Bakıda 3 uşaq anası “qrıja” əməliyyatında öldü

Ötən gün Bakının tanınmış xəstəxanasında cavan ana əməliyyat zamanı dünyasını dəyişib.

“Qafqazinfo”nun məlumatına görə, mərhumun yaxınları criminal.az-a bildirib ki, 3 uşaq anası olan Vüsalə adlı qadın 5 saylı xəstəxanada “qrıja” əməliyyatı olunub. Lakin xəstə əməliyyat masasında keçinib.

Mərhumun ailəsi yaxınlarının ölümündə həkim səhlənkarlığı olduğunu iddia edirlər. Bildirirlər ki, həkim əməliyyat zamanı xəstənin damarını zədələyib. Xəstə isə qanaxmadan dünyasını dəyişib. Hətta həkim hadisədən sonra mərhumun ailə üzvlərinə əməliyyat pulunu qaytararaq “olur də belə şeylər” deyərək gedib.

Mərhum xanımın 3 azyaşlı uşağı anasız qalıb.