Çərşənbə , Yanvar 27 2021
Ana səhifə / Araşdırma / Bakı metrosunda insident – Video

Bakı metrosunda insident – Video

Ötən gecə Bakı metropoliteninin “Koroğlu” stansiyasında 3 gənc qatarın hərəkətinin dayandırılmasına səbəb olub.

“ Azinforum.az ” xəbər verir ki, hadisə şahidlərinin oxu.az-a verdiyi məlumata görə, 3 gənc qatarda qadın sərnişinin yanında əyləşib.

Xanım isə həmin gənclərin ona sataşdığını iddia edib.

Məsələ böyüdüyündən polis hadisəyə müdaxilə edib. Polis gəncləri qatardan çıxarmaq istəsə də, gənclərin müqaviməti ilə qarşılaşıb.

Sonradan polis gəncləri qatardan çıxarmağa müvəffəq olub.

Bakı Metropoliteninin mətbuat xidmətinin rəhbəri Nəsimi Paşayev oxu.az-a bildirib ki, hadisə 23:15-də “Həzi Aslanov” – “Dərnəgül” xətti üzrə hərəkət edən 32 saylı qatarda baş verib.

“Qatarda olan 3 gəncin xanıma sataşdığı və buna görə mübahisə yarandığı güman olunur. Qatar “Koroğlu” stansiyasında saxlanılıb və həmin şəxslər polisə təhvil verilib”.

Nəsimi Paşayev bildirib ki, qatarların hərəkətində 4 dəqiqə fasilə yaranıb.

 

Həmçinin oxuyun

Yollar açıldı, hotellərdə yer yoxdur

Məlum olduğu kimi, yanvarın 25-dən rayonlara gediş-gəlişə qoyulan qadağa ləğv olunub. Nazirlər Kabineti yanında Operativ …

Bir cavab yazın