Çərşənbə axşamı , İyul 23 2019
Ana səhifə / Araşdırma / Aynar Məmmədov sərbəst buraxıldı – Səbəb

Aynar Məmmədov sərbəst buraxıldı – Səbəb

Deputat Elton Məmmədovun oğlu Aynar Məmmədov cərimə edildikdən sonra sərbəst buraxılıb. 

 

Bu barədə musavat.com xəbər yayıb. Millət vəkilinin övladına məxsus “Nar” kafesində qumar oynayan 8 nəfər saxlanılıb.

 

Daxili İşlər Nazirliyi mətbuat xidmətinin şöbə rəisi Orxan Mansurzadə Axar.az-a bildirib ki, saxlananların işi məhkəməyə göndərilib.

 

Məhkəmə onların barəsində inzibati qaydada cərimə kəsib. DİN sözçüsü onların arasında A.Məmmədovun olub-olmaması haqda sualı cavablandırmayıb.

 

Onu da deyək ki, musavat.com-un əməkdaşı gecə saatlarında xüsusi təyinatlıların əməliyyatına məruz qalmış “Nar” kafesində olub. Hazırda kafe öz fəaliyyətini davam etdirir. Kafedə işçilərin Nəriman müəllim kimi müraciət etdikləri şəxs əyləşib və servis getdikcə bərpa olunub:

 

“Orada olarkən öyrəndik ki, kafedə sözügedən əməliyyat bu gecə (12 oktyabr) saat 2 radələrində aparılıb. Kafedə qumar oynayan 20 nəfər saxlanılıb. Nəriman adlı şəxs yanındakılardan Aynarın vəziyyətini soruşdu. Onlar isə Aynardan xəbərləri olmadıqlarını bildirdilər”. Kafenin içərisindən fotoları təqdim edirik. Onu da qeyd edək ki, stolların bir qismi rezerv kimi saxlanılıb.

 

Həmçinin oxuyun

UKRAYNADAN ELTON MƏMMƏDOVA BƏD XƏBƏR – Şirkətinin separatçılarla əlaqələri araşdırılır

Sabiq nəqliyyat naziri Ziya Məmmədovun qardaşı, keçmiş deputat Elton Məmmədova məxsus şirkətin adı Ukraynada ciddi …

Bir cavab yazın