Şənbə , Dekabr 5 2020
Ana səhifə / Araşdırma / Ağstafadakı dəhşətli qətlin təffərrüatı: 6 yaşlı övladını öldürən ata tutuldu (ÖZƏL)

Ağstafadakı dəhşətli qətlin təffərrüatı: 6 yaşlı övladını öldürən ata tutuldu (ÖZƏL)

Martın 31-də Ağstafada baş verən dəhşətli qətlin təfərrüatları məlum olub. Musavat.com 6 yaşlı uşağın atası tərəfindən döyülərək öldürülməsi ilə bağlı yeni məlumatlar əldə edib.
Ağstafa rayon Qırlı kəndində 6 yaşlı Şəmsəddini taxta ilə döyərək öldürən şəxs 1979-cu il təvəllüdlü Pərvanəyev Famil Şəmistan oğlu martın 31-də axşam saatlarında polis əməkdaşları tərəfindən saxlanılıb.
Famil Pərvanəyev dünən axsam saatlarında 6 yaşlı Şəmsəddini taxta ilə döyərək bədən xəsarətləri yetirib. Uşağın vəziyyəti ağırlaşdığından təcili tibbi yardım çağırılıb. Həkimlər gəldiyində isə artıq uşaq dünyasını dəyişibmiş.
Əldə etdiyimiz məlumata görə, Famil Pərvanəyev Qazax rayon sakinidir. Döyərək öldürüdüyü 6 yaşlı Şəmsəddin onun ikinci- qeyri-rəsmi nikahda olduğu xanımından olan övladıdır. Onun ikinci evliliyindən 4 yaşlı qızı da var.
F.Pərvanəyevin birinci, rəsmi nikahda olduğu xanımı Qazax rayonunda yaşayır. Həmin xanımdan da iki övladı var.
Hadisə baş verən ev F.Pərvanəyevin qeyri-rəsmi nikahda olduğu ikinci xanımının ata evi olub. Onlar bayram ərəfəsində Qırlı kəndinə gəliblər. Bundan əvvəl isə Qazaxda daha sonra isə Bakıda yaşayıblar.
Hadisə baş verdikdən sonra Famil Pərvanəyev evdən qaçmayıb. Təcili yardım çağırılanda uşağın öldüyü məlum olub. Hadisə yerinə polis əməkdaşları gəlib. Ağstafa Rayon Polis İdarəsinin rəisi və Ağstafa rayon prokuroru hadisə yerinə gəlib. İlkin araşdırma zamanı Famil Pərvanəyevin uşağı taxta ilə döydüyü məlum olub və o saxlanılaraq Polis İdarəsinə aparılıb.
6 yaşlı Şəmsəddin bu bu gün dəfn edilib.

Həmçinin oxuyun

Yoluxanların sayı yenə artdı

Azərbaycanda bu gün koronavirus infeksiyasına 3712 yeni yoluxma faktı qeydə alınıb, 1359 nəfər müalicə olunaraq …

Bir cavab yazın