Şənbə , Avqust 24 2019
Ana səhifə / Araşdırma / 95 saylı məktəbdə təhqir olunmuş şagird müəlliməni döyüb?

95 saylı məktəbdə təhqir olunmuş şagird müəlliməni döyüb?

Bakının Xətai rayonunda yerləşən 95 saylı məktəbdə döyülmə hadisəsi baş verib. 11-ci sinif şagirdi olan oğlan öz müəlliməsini vəhşicəsinə döyüb.

Hadisənin təfərrüatları isə belə olub:

Svetlana adlı fizika müəlliməsi şagirdin nizam-intizamından şikayət edərək onu danlayıb. Sonra daha da qızışaraq şagirdin rəhmətə getmiş atasını təhqir edib.

Təhqirə dözməyən şagird müəlliməsinin üstünə hücum çəkib və ona ciddi fiziki xəsarətlər yetirib.

Şahidlərin dediyinə görə, müəllimənin ağzı-burnu partlayıbmış, ətraf qan içindəymiş. Köməyə gələn şagirdlər, müəllimlər və o cümlədən də direktor müəllimi güclə şagirdin cəngindən xilas ediblər.

Hadisə mediada ictimailəşdikdən sonra şagirdi tərəfindən vurulduğu iddia edilən fizika müəllimi Svetlana Əkbərova baş verənlərlə bağlı açıqlama verərək, mətbuatda yazılanların həqiqəti əks etdirmədiyini bildirib:

“Dünən şagird sinifdə mahnı oxuduğu üçün ona irad tutdum, qanacaqlı-mərifətli olmasını tələb etdim. O da ərköyün uşaqdı, çığır-bağır saldı və sinif otağını tərk etdi. Biz həmin uşağı keçən il də məktəbdən uzaqlaşdırmaq istəyirdik, bəzi səbəblərdən son anda onu sinifdə saxladıq”.

S.Əkbərova bildirib ki, hazırda məktəbdə işini davam etdirir: “Yazıblar ki, guya şagird məni vurub, bunlar cəfəngiyyatdır”.

Ərazi üzrə Xətai rayon 34-cü Polis Bölməsinə məlum hadisə ilə bağlı hər hansı müraciət daxil olmayıb. (moderator.az)

Həmçinin oxuyun

Fabrik, otel, zavod… – Deputat Ağalar Vəliyevin şübhəli sərvəti sərhədlərimizi aşıb + FOTOLAR

İstanbulun tam mərkəzində, Sultanəhməd məscidi yaxınlığında yerləşən Aybar oteli 2015-ci ildə istifadəyə verilib. Dördmərtəbəli dördulduzlu …

Bir cavab yazın