Cümə axşamı , Aprel 25 2024
Ana səhifə / Araşdırma / “900-ə yaxın azərbaycanlı terror qruplaşmalarına qoşulub” – General

“900-ə yaxın azərbaycanlı terror qruplaşmalarına qoşulub” – General

Xəbər verdiyimiz kimi, Şəhriyar adına Mədəniyyət Mərkəzində “Terrorçuluğa, ekstremizmə və radikalizmə qarşı mübarizədə gənclərin rolu” mövzusunda konfrans keçirilir.

Qafqazinfo”nun tədbirdə iştirak edən əməkdaşının verdiyi xəbərə görə, konfransda çıxış edən DTX-nın rəisi, general-leytenant Mədət Quliyev deyib ki, terrorçuluq və radikalizmlə mübarizə ölkəmiz üçün vacib məsələdir:

“Məlum olduğu kimi, İraqda, Suriyada, hətta Türkiyədə baş verən cərəyanlar hər kəsi narahat edir. Radikalizm qlobal sülhə böyük maneə yaradır. Azərbaycan tərəddüd etmədən anti-terror koalisiyasina qoşulub. Hələ ötən əsrin əvvəllərində erməni terrorçuları AXC rəhbərliyində təmsil olunan şəxsləri öldürüb. Ermənistanın terror cinayətləri davam edib və Azərbaycanın ərazilərini işğal ediblər. 1988-1994-cü illərdə Ermənistan tərəfindən Azərbaycana qarşı törədilən 373 terror cinayəti nəticəsində 2 mindən artıq insan zərər çəkib. Azərbaycan müxtəlif növ təhlükələrin olduğu geosiyasi mövqedə yerləşməsinə baxmayaraq, nəinki Qafqazda, hətta Avropada ən təhlükəsiz ölkələrdən biridir.

Cənab prezident 2017-ci ili İslam Həmrəyliyi ili elan edib. Təəssüf ki, əksəriyyəti gənclər olan 900-ə yaxın Azərbaycan vətəndaşı Suriya və İraqda terror qruplaşmalarına qoşulub. Məlumata görə, geri qayıdan 200-ə yaxın şəxs həbs edilib. Son 1 ildə 54 nəfər Azərbaycan vətəndaşlığından məhrum edilib”.

Mədət Quliyev qeyd edib ki, dini radikalizmə qarşı mübarizənin əsas üsullarından biri maarifçilikdir:

“Terrorçular dinin həqiqi mənasını təhrif edirlər. Bununla bağlı ölkəmiz son illər mühüm işlər görüb. Prezident İlham Əliyevin rəhbərliyi ilə Azərbaycan daha da qüdrətlənəcək”.

“900-ə yaxın azərbaycanlı terror qruplaşmalarına qoşulub” - General

Həmçinin oxuyun

Naxçıvanın Maliyyə Nazirliyi səlahiyyət həddini aşdı, qanunu pozdu, Səlahiyyətli Nümayəndəlik isə… – FOTO

Naxçıvan Muxtar Respublikasının Maliyyə Nazirliyində satınalma predmetini satın alan dövlət orqanları, büdcədənkənar dövlət fondları, dövlət …

Bir cavab yazın