84 yaşlı qadını öldürən 19 yaşlı şəxsin məhkəməsi olub.
Musavat.com xəbər verir ki, Bakı Ağır Cinayətlər Məhkəməsində hakim Ramella Allahverdiyevanın sədrliyi ilə qətl törətməkdə təqsirləndiriən İlham Alsanovun cinayət işi üzrə məhkəmə prosesi keçirilib.
Hazırlıq iclasında İlham Aslanovun anket məlumatları dəqiqləşdirilib.
Tükürpədici qətl hadisəs Qubada baş verib və üstü açılıb. Ötən il iyunun 27-də Quba Rayon Polis Şöbəsinə şübhəli şəxs qismində gətirilmiş Amsar kənd sakini 1998-ci il təvəllüdlü İlham qarət məqsədi ilə şəhər sakini, 84 yaşlı Gülpəri Musayevanı öldürdüyünü etiraf edib.
O, deyib ki, yaşlı qadının evinə girərək onu iplə boğub. İ.Aslanov öldürdüyü 84 yaşlı qadının evindən 13 manat pul aparıb.
Növbəti məhkəmə prosesi martın 15-nə təyin edilib.