“28 Mall”da satıcı oğrunun əvəzinə 355 manat ödədi

“28 Mall” ticarət mərkəzidə yerləşən geyim mağazalarının birində oğurluq hadisəsi baş verib. Baku.ws xəbər verir ki, hadisə barədə mağazanın satıcısı öz “Facebook” səhifəsində yazıb. 

O bildirib ki, sentyabrın 14-də iki qadın uşaq geyimləri mağazasına girərək oğurluq ediblər:

“İki qadın uşaqları ilə birgə bizim mağazaya girərək, övladları üçün oğurluq ediblər. Onlar xüsusi cihaz vasitəsi ilə geyimlərin üzərindən maqniti çıxarıblar. Oğurluq hadisəsi olduqca “səliqəli” və “təmiz” həyata keçirilib. Hətta paltarların asılqanları belə oğurlanıb…”.

Satıcı oğru qadınlara müraciət edərək bildirib ki, uşaqların geyimlərini öz ciblərindən ödəməli olublar.

“Sənin uşağının məktəb geyimlərini biz öz cibimizdən ödəməli olduq, Üç geyimə 355 manat!”