Şənbə , Oktyabr 24 2020
Ana səhifə / Araşdırma / 2 azərbaycanlı 10 nəfərə qarşı: 1 ölü, 4 yaralı

2 azərbaycanlı 10 nəfərə qarşı: 1 ölü, 4 yaralı

Dünən xəbər verdiyimiz kimi, Voronejin Sovetski rayon məhkəməsi kafe yaxınlığında kütləvi dava zamanı bir neçə nəfərə bıçaq xəsarəti yetirən, bir nəfərin isə ölümünə səbəb olan Azərbaycan vətəndaşları barəsində ittiham hökmü çıxarıb.

“Report” isə bu gün Voronej Vilayət Prokurorluğunun mətbuat xidmətinin məlumatına istinadən hadisənin təfərrüatını açıqlayıb.

Məlumata görə, müəyyən edilib ki, 2013-cü ilin dekabrında gecə yarısından sonra Rəşad İsmayılov və Azər Nəcəfov öz tanışları ilə “Praqa” kafesinin yaxınlığında durublarmış.

“Bu zaman kafedən 10 nəfərdən ibarət bir dəstə çıxıb, onların arasında sonda dava ilə nəticələnən münaqişə yaranıb. Dava iştirakçılarından biri səhvən İsmayılovun yaxınlıqda dayanan qardaşına zərbə endirib və daha bir dava başlayıb, bura həm İsmayılovun, həm də onu vuranın tanışları qatılıb”, – deyə məlumatda bildirilir.

İdarənin məlumatına görə, R.İsmayılov davanın dörd iştirakçısına bıçaq xəsarətləri yetirib, onlardan biri aldığı yaralardan hadisə yerində keçinib. A.Nəcəfov da bıçaqdan istifadə edib və rəqiblərindən birini belindən yaralayıb.

R.İsmayılov Rusiya Federasiyası Cinayət Məcəlləsinin “Qətl” və “İki və daha artıq şəxsin həyatına qəsd”, A.Nəcəfov isə “Adam öldürməyə cəhd” maddələri üzrə müqəssir biliniblər.

Məhkəmənin hökmü ilə R.İsmayılov 9 il, A.Nəcəfov isə 2,5 il müddətinə azadlıqdan məhrum edilib. Hər iki azərbaycanlı cəzasını ciddi rejimli islah-əmək müəssisəsində çəkəcək

Həmçinin oxuyun

Qəbələ və Kürdəmir “Elbrus” raket sistemi ilə vurulub

Erməni hərbi qüvvələri Qəbələ və Kürdəmir bölgələrini hədəf alıb. Bu barədə Azərbaycan Respublikası Ərazilərinin Minalardan …

Bir cavab yazın