Ana səhifə / Araşdırma / Əri baltalayan qadın danışdı – “3 yaşlı qızını da öldürəcəkdi”

Əri baltalayan qadın danışdı – “3 yaşlı qızını da öldürəcəkdi”

Tərtərdə əri tərəfindən baltalanan qadın Lent.az-a danışıb. ” Azinforum.az ” xəbər verir ki,Tərtərin Babək küçəsində həyat yoldaşı, 28 yaşlı Tofiq Məmmədov tərəfindən baltalanan 37 yaşlı Məhsəti Səmədova deyib ki, 3 yaşlı qızını qonşular gizlətməsəydi, əri onu öldürəcəkmiş.

Hazırda M. Səmədova anası, 1948-ci il təvəllüdlü Səfurə Quliyeva ilə birlikdə Bərdə Mərkəzi Rayon Xəstəxanasına yerləşdiriliblər.

M. Səmədova 5 il əvvəl ailə qurduğunu, bu müddət ərzində ailədaxili münaqişələrin günü-gündən artdığını deyib: “İki övladımı atalarının şiddətindən qorumaq üçün boşanmaq qərarına gəldim və məhkəməyə müraciət etdim. Mənə demişdi ki, boşansan, səni öldürəcəm. Mən onun sözünə inanmamışdım. Axırıncı dəfə döyüb getdiyi 10 gün idi. Hasardan keçib, girdi evə. Baltanı da gətirib qoydu yanına. Birdən durub cumdu mənə. Biz atamın həyətində ev tikdirmişik, səs-küyə anam, bacım gəldi. Baltanın arxasıyla mənim başıma 3-4 dəfə vurdu. Araya bacım girdi, bacımı da vurdu. Biz anamla bacımı onun əlindən almaq istəyəndə anamı balta ilə başına-başına vurmağa başladı. Bacım qaçdı çölə, qapını açıb qonşuları çağırdı. Qonşular onu tutdu saxladı, sonra polis gəldi”.

M. Səmədovanın anası Səfurə Səmədova bildirib ki, yeznəsi T. Məmmədov əvvəllər də ailədaxili dava-dalaş salsa da, bu qədər əsəbi olmayıb: “Son günlər hər kəsi ölümlə təhdid edirdi”.

Arvadını, qayınanasını, baldızını öldürməyə cəhd edən T. Məmmədovun qardaşı Göygöz Məmmədov isə qardaşının psixoloji problemləri olduğunu deyib: “Əvvəllər sağlam idi. Hətta könüllü olaraq müddətdən atıq ordu sıralarında xidmət də edib. Sonradan əsəbləri pozuldu. Müdafiə Nazirliyinin hospitalında müalicə də alıb. Sonradan orduya yararsız kimi tərxis olundu. Düzü, biz də heç onu müalicə elətdirmədik”.

Əri baltalayan qadın danışdı - “3 yaşlı qızını da öldürəcəkdi”
Əri baltalayan qadın danışdı - “3 yaşlı qızını da öldürəcəkdi”
Əri baltalayan qadın danışdı - “3 yaşlı qızını da öldürəcəkdi”
Əri baltalayan qadın danışdı - “3 yaşlı qızını da öldürəcəkdi”
Əri baltalayan qadın danışdı - “3 yaşlı qızını da öldürəcəkdi”

Həmçinin oxuyun

Rza Talıbov bu məsələyə görə Fuad Nəcəfli ilə Naxçıvanda görüşmək istəyib…

Bir neçə gün əvvəl Naxçıvan Ali Məclisində qəribə bir gərginlik yaşanıb. Muxtar respublikadakı mənbələrdən Azpolitika.info-ya …

Bir cavab yazın