Çərşənbə , Dekabr 2 2020
Ana səhifə / Aktual / Ziya Məmmədovun oğlu ilə müflis olan iş adamı üz-üzə gəldi – Pul davası + Məhkəmə prosesi

Ziya Məmmədovun oğlu ilə müflis olan iş adamı üz-üzə gəldi – Pul davası + Məhkəmə prosesi

“Delfin” MMC “Bakı” Futbol Klubu MMC-ni məhkəməyə verib.
Azinforum.az “Report”a istinadən xəbər verir ki, 1 saylı Bakı İnzibati-İqtisadi Məhkəməsinə müraciət edən “Delfin” MMC futbol klubunu xüsusi mülkiyyətdə olan sahədən çıxarılması barədə tələb irəli sürüb.
Məhkəmə prosesi zamanı “Bakı” klubu qarşı tərəfdən “pulun tutulması” barədə qarşılıqlı iddia qaldırıb.
Qərara əsasən, ilkin iddia təmin edilib, lakin qarşılıqlı iddia rədd olunub.
Məhkəmə qərarından narazı qalan “Bakı” Futbol Klubu MMC rəhbərliyi apellyasiya şikayəti verib. Şikayətə Bakı Apellyasiya Məhkəməsində baxılacaq.
Qeyd edək ki, “Delfin” MMC keçmiş nəqliyyat naziri Ziya Məmmədovun oğlu, iş adamı Anar Məmmədovun şirkətlərindən biridir. Bu MMC “Garant Holding”in tərkibinə daxilir.
 “Bakı” Futbol Klubu isə “Baghlan Group”un sahibi “Hafka” kimi tanınan iş adamı Hafiz Məmmədovundur.
Xatırladaq ki, “Bakı” Azərbaycanın tanınmış futbol klublarından biridir. Bu komanda iki dəfə ölkə çempionu, üç dəfə Azərbaycan kubokuna sahib olub. Həmçinin “Bakı” Azərbaycanı bir neçə dəfə avrokuboklarda təmsil edib. Klub hazırda Azərbaycanın aşağı yaş qrupları üzrə liqalarda “İsgəndər Cavadov Akademiyası” ilə təmsil olunur.

Həmçinin oxuyun

Kəlbəcərin Zod qızıl yatağının görüntüləri

Azərbaycan Müdafiə Nazirliyi Ermənistanın işğalından azad olunan Kəlbəcər rayonunun Söyüdlü (Zod) qızıl yatağının görüntülərini yayıb. …