Çərşənbə , Sentyabr 18 2019
Ana səhifə / Aktual / Ziya Məmmədovun işçisi sərxoş halda tutuldu – BİABIRÇI FOTOLAR

Ziya Məmmədovun işçisi sərxoş halda tutuldu – BİABIRÇI FOTOLAR

Sentyabrın 5-də, gecə yarısı Bakıda yol polisi əməkdaşları sərxoş sürücü saxlayıb. Sürücü əvvəlcə yol polisinə tabe olmaq istəməsə də, süni maneə yaradılaraq dayandırılıb. Avtosfer.az-ın məlumatına görə, «Daewoo» markalı avtomobildən düşərkən ayaq üstə güclə dayanan gənc sürücü özünü Nəqliyyat Nazirliyinin əməkdaşı kimi təqdim edib və heç bir sənəd təqdim etməyib. O, sərxoş olduğunu da etiraf edib. Bir qədər sonra isə sürücü yol polislərinə yalnız şəxsiyyət vəsiqəsini təqdim edərək başqa sənədi olmadığını deyib. Yol polislərinin yerindəcə apardığı araşdırmalardan məlum olub ki, həmin şəxs bundan bir neçə ay əvvəl də sərxoş vəziyyətdə saxlanıldığı üçün onun sürücülük hüququ məhdudlaşdırılıb. Yəni, hazırda sürücülük hüququ olmadan və sərxoş halda avtomobil idarə edir.

Sürücü yol polislərini tabe olmamasını onunla əsaslandırıb ki, maşında başqa sərnişin də olub. O, həmin sərnişini yola salmaq üçün köməyə maşın çağırıb. Bir qədər sonra isə hadisə yerinə üzərində Nəqliyyat Nazirliyi yazılmış 3 avtomobil yaxınlaşıb. Nəqliyyat müfəttişi geyimində olan bir nəfər sərxoş halda saxlanılan sürücüyə yaxınlaşaraq onu sakitləşdirməyə çalışıb. Həmin sürücü isə öz maşınındakı sərnişini Nəqliyyat Nazirliyinə məxsus avtomobilə mindirərək yola salıb. Yalnız bundan sonra həmin şəxs yol polisləri ilə birlikdə sərxoşluq dərəcəsini müəyyən etmək üçün tibbi müayinə mərkəzinə getməyə razı olub.

Avtosfer.az-ın apardığı araşdırmalar nəticəsində həmin sürücü ilə bağlı başqa maraqlı faktlar da ortaya çıxıb. Yeni görüntülər əldə etməyə çalışırıq və onları da təqdim edəcəyik.

Foto

Həmçinin oxuyun

“Ekologiya postu”na yeni rəis təyin edildi – Vilayət Eyvazov tağım komandirinə yüksək vəzifə verdi

Azərbaycanın daxili işlər orqanlarında yeni təyinat olub.Azinforum.az “Report”a istinadla xəbər verir ki, polis mayoru Mərdan Mehdiyev Baş Dövlət …

Bir cavab yazın