Bakı Dövlət Universitetinin 2№-li yataqxanasında zəhərlənən tələbə qızlar evə buraxılıb.
Səhiyyə Nazirliyindən “Qafqazinfo”ya daxil olan məlumata görə, Kliniki Tibbi Mərkəzin Toksikologiya şöbəsində müalicə olunan 2 tələbə qız – Dilrubə Quliyeva və Həmidə İbadova bu gün saat 14:50-də evə yazılıblar.
Xatırladaq ki, tələbələr noyabrın 20-dən 21-nə keçən gecə ilkin ehtimala görə, qidadan zəhərlənərək Kliniki Tibbi Mərkəzə yerləşdiriliblər. Onlarla eyni otaqda qalan və zəhərlənən Şəkər Xasmətovanın isə meyiti aşkarlanıb.