Yoxa çıxan alpinistlərdən nə xəbər?

“İtkin düşən alpinistlərin axtarışı hələ ki, nəticəsiz qalıb”.

“Qafqazinfo” xəbər verir ki, bu barədə könüllü şəkildə Şahyaylaqda olan alpinistlər sosial şəbəkədə yazıblar.

“Hər dəqiqənin öz hökmü var, hamılıqla dua edək, inşallah 29 dekabr tarixini dostlarımız indidən sonra hər il ikinci doğum günü kimi qeyd edərlər. İnşallah hamılıqla xoş xəbər alarıq. Onların sağ olduqlarına və tezliklə aramıza qatılacaqlarına hər birimiz inanmalıyıq”, – deyə məlumatda bildirilir.

Xatırladaq ki, dekabrın 23-də Quba rayonunun Xınalıq kəndindən Tufandağ istiqamətində yürüşə çıxmış “Gilavar” Hava və Ekstrim İdman Klubunun 3 üzvü – Babur Hüseynov, Namin Bünyatov və Fəridə Cəbrayılzadə itkin düşüb.