Bazar ertəsi , May 10 2021
Ana səhifə / Aktual / “Yəqin ki, cənab Prezident oğlumu işsiz qoymaz” – Abel Məhərrəmov

“Yəqin ki, cənab Prezident oğlumu işsiz qoymaz” – Abel Məhərrəmov

Bakı Dövlət Universitetinin (BDU) sabiq rektoru Abel Məhərrəmov oğlu Anar Məhərrəmovun Azərbaycan Respublikasının İspaniya Krallığında və Andorra Knyazlığında fövqəladə və səlahiyyətli səfiri, eyni zamanda Ümumdünya Turizm Təşkilatı yanında daimi nümayəndəsi vəzifələrindən geri çağırılmasından danışıb.

Abel Məhərrəmov Demokrat.az-a açıqlamasında deyib ki, oğlu ilə bağlı qərar normal qarşılanmalıdır:

“Oğlumun geri çağırılmasına normal baxıram. Çünki səfirlərlə bağlı belə qayda var ki, mütləq 5 ildən bir dəyişilirlər. Cənab Prezidentin verdiyi istənilən qərar bizi qane edir. Bu məsələ cənab Prezidentin tam səlahiyyətində olan məsələdir. Allah onu qorusun, nə məsələhət bilər, biz də ona hazırıq”.

Sabiq rektor oğlunun peşəkar diplomat olduğunu və 6 xarici dilə yiyələndiyini bildirib:

“Oğlum 20 ildir ki, diplomatiya sahəsində çalışır, Avropada təhsil alıb, ingilis, rus, fransız, ispan, portuqal və türk dillərini bilir. Yəqin ki, cənab Prezident oğlumu işsiz qoymaz, ya iş verərlər, ya da Allahın köməyi ilə bir yerə təyin olunar. İkisi də bizi qane edir”.

Həmçinin oxuyun

Rusiya sülhməramlılarının və İranın Qarabağda qanunsuz əməlləri davam edir – VİDEO

Qaçaqmalçılıq yolu ilə növbəti yük avtomobilləri İrandan Rusiya sülhməramlılarının müvəqqəti nəzarətində olan Laçın dəhlizi vasitəsilə …