Azinforum.az İnformasiya Portalı Onlayn Xəbər Portalı
BƏS, RAZİM MƏMMƏDOV HARA BAXIR?
Vətəndaş Bağırov Fikrət Əli oğlu Azinforum.az-a şikayət məzmunlu məktub ünvanlayıb. Şikayətçi bildirir ki, onun Bağırov Rəşid adlı qardaşı 1992-ci ildə Ağdərə uğrunda gedən döyüşlərdə şəhid olub:
“Həmin vaxt mənim böyük qardaşım Məhərrəmə şəhid qardaşımızın xatirəsini əbədiləşdirmək məqsədilə 40 kv. metrlik sahə ayrılıb. Vaxtı ilə Xətai rayon İcra Hakimiyyəti tərəfindən verilən sərəncamda da yerin şəhidin büstünün qoyulması üçün ayrıldığı qeyd olunub. Uzun illərdi şəhid qardaşımın adını daşıyan – Rəşid Bağırov 36/6 (UPD qəsəbəsi, klubla üzbə-üz) ünvanında onun büstünü qoya bilmirik. Etdiyimiz şikayətlərə baxan yoxdur. Hazırda Məhərrəm adlı qardaşım həmin 40 kvadratın ətrafını da qanunsuz zəbt edərək , orada kafe açıb. Mən saytınız vasitəsi ilə Xətai rayon İcra Hakimiyyətinə müraciət edərək onlardan şəhid adına hörmətlə yanaşmalarını tələb edirəm. Onların gücü çatmırsa, mən öz vəsaitim hesabına qanunla ayrılmış, lakin hazırda kafe kimi fəaliyyət göstərən yerdə şəhid qardaşımın büstünü qoymağa hazıram. Sadəcə, mənə qanunsuz zəbt edilmiş ərazinin boşaldılmasına köməklik göstərsinlər. Məndə olan məlumata görə, Məhərrəm həmin kafenin ərazisini hazırda başqa bir adama satmağa hazırlaşır”.
Azinforum.az-ın reportyorları deyilən ərazidə olublar. Çəkilən fotolordan da görünür ki, şəhid büstünün qoyulması üçün ayrılan ərazıdə antisanitar vəziyyətin hakim olduğu kafe fəaliyyət göstərir
Edilən şikayətlə bağlı Xətai rayon İcra Hakimiyyətinin də mövqeyini dinləməyə hazırıq.
Rövşən ƏLİ
