Azinforum.az İnformasiya Portalı Onlayn Xəbər Portalı
Xəbər verdiyimiz kimi, baş nazirin müavini Hacıbala Abutalıbov sabiq Mənzil-Kommunal Təsərrüfatı Departamentinin sədr müavini Vidadi Əliyevi onunla bağlı mətbuata yalan məlumat ötürməkdə ittiham edib.
Məsələ ilə bağlı Unikal.org-a sabiq Mənzil-Kommunal Təsərrüfatı Departamentinin sədr müavini Vidadi Əliyev açıqlama verib. Əliyev Hacıbala Abutalıbovun onunla bağlı ittihamlarını əsassız sayıb:
“Hörmətli professor, Azərbaycan Respublikası Baş nazirinin birinci müavini Hacıbala Abutalıbov hesab edir ki, onunla bağlı məlumatları mətbuata mən ötürmüşəm!. Cavab olaraq deyirəm ki, bu belə deyil. Hacıbala Abutalıbov haqqımda yanlış düşünür. Onun mənimlə bağlı açıqlaması nə mənəviyyatıma, nə də ki, əqidəmə uyğundur. Çünki mən onu hər zaman rəhbərim kimi, bu gündə respublikada mühüm postaların birində işlədiyi üçün şəxsiyətinə hörmət etmişəm. Bütün bunlara baxmayaraq o, haqqımda səhv düşünür. Guya, mən onun barəsində hansısa “məlumatlar” yaymışam. İmzam olmayan yerdə heç kimin haqqında danışmaram. Lazım olsa, hörmətli Hacıbala Abutalıbovla sivil qaydada, heç bir düşmənçilik olmadan, münasibətlərə xələl gətirmədən yenidən danışa bilərik”.
Vidadi Əliyev baş nazirin müavini haqqında məhkumluq ifadəsini işlətməsinə də münasibət bildirib: “Abutalıbov məni yararsız insan adlandırdığına görə çox təəssüf edirəm. Əvvala üzərimdən məhkumluq “damğası”nı götürüb. Müvafiq sərəncamla məni Bakı şəhər Mənzil Kommunal Təsərrüfat Departamentinin sədr müavini təyin edib. Hacıbala müəllim 2017-ci ilin may ayının 25-də 55 yaşım tamam olması münasibətilə məni Fəxri Fərmanla mükafatlandırıb. İclasda mənimlə bağlı xoş ifadələr səsləndirib. Digər tərəfdən onun təqdimatı əsasında ölkə başçısı cənab İlham Əliyev məni “Tərəqqi” medalı ilə təltif edib. Əgər mən doğurdan da “yarasız” adamam idimsə, Hacıbala Abutalıbov bunları niyə edirdi? Yəqin ki, üzərimdə hər hansı məhkumluq olsaydı hörmətli cənab Abutalıbov məni o vəzifəyə təyin etməz, o adlar, mükafatlar verilməzdi. Məhz, Hacıbala Abutalıbov məni təhdid etdiyinə görə, tutduğum vəzifədən də istefa vermişəm”.
Orxan Həsənli
