““Tarqovı”nın bağlanacağı xəbəri təxribat xarakteri daşıyır” – BŞİH-dən açıqlama

Bakı Şəhər İcra Hakimiyyəti mayın 25-dən 31-nə qədər “Tarqovı”ya yerli sakinlərin buraxılmayacağı ilə bağlı yayılan xəbərə münasibət bildirib.

Şəhər İcra Hakimiyyətinin Mətbuat Xidmətinin rəhbəri İsrafil Kərimov “Qafqazinfo”ya açıqlamasında qeyd edib ki, bu barədə mətbuatda verilən məlumatlar həqiqətəuyğun deyil və hər hansı məhdudiyyət tətbiq edilməyib:

“Belə məlumatlar təxribat xarakteri daşıyır. Futbol kütlələrin baxdığı, azarkeşlik etdiyi oyundur. Onu hamı sevir və hər hansı məhdudiyyət yol verilməzdir, əksinə həmin gün şəhərdə bayram əhval-ruhiyyəsi hökm sürəcək, müxtəlif tədbirlər keçiriləcək”.