Cümə axşamı , Sentyabr 24 2020
Ana səhifə / Aktual / Tanınmış jurnalistin qızına qarşı dələduzluq – 20 ailə zərər çəkib

Tanınmış jurnalistin qızına qarşı dələduzluq – 20 ailə zərər çəkib

InTravel Az şirkəti 20-dən çox ailəyə Antaliyada istirahət adı ilə saxta tur-paket “sırıyıb”. Azinforum.az xəbər verir ki, fırıldağın üstü hava limanında açılıb. Məlum olub ki, nə bilet var, nə otel.Bubarədə fırıldağın “qurban”larından biri Leyla Məmmədli Sadıqzadə sosial şəbəkədə məlumat yayıb: “Dostlar, başıma belə bir hadisə gəldiyi üçün şokdayam. Sizinlə paylaşmaq istədim ki, mənim kimi tələyə düşməyəsiniz. Mən ailəmlə – uşaq, yoldaşım, anam, qardaşım və s. bu gün səhər Antalyaya uçmalıydıq. InTravel Az-dan tam ödəniş edərək möhürü, imzası, çeki olan sənədlə, guya, tur-paket almışdıq. Səhər hava limanında anlaşılıb ki, nə bilet var, nə otel”. 
Leyla Məmmədli Sadıqzadə bildirib ki, onlar kimi 20-dən çox ailə də bu dələduzluqla üzləşib. Onlar məsələnin qanun yolu ilə həllinə çalışacaqlar: “Təbii ki, qanun qarşısında cavab verəcəklər. Təbii ki, pulumuzu geri alacağıq. Ancaq mənim və ailəmin yaşadığı stresin bədəlini heç kəs ödəyə bilməyəcək. Başqalarının pullarını öz şəxsi mənafelərinə görə mənimsəyən dələduzlardan heç nə almayın. Belə yalançı travel şirkətləri bağlanmalıdır. Əminəm ki, hüquq mühafizə orqanları məsələ ilə bağlı ən qısa zamanda tədbir görəcək”   Qeyd edək ki, Leyla Məmmədli Azərbaycan Mətbuat Şurasının üzvü, tanınmış jurnalist Yadigar Məmmədlinin qızıdır.

Həmçinin oxuyun

46 yaşında Bakı Ali Neft Məktəbinin tələbəsi oldu – Foto

Bu il Bakı Ali Neft Məktəbinə Biznesin idarəedilməsi (MBA) proqramı üzrə qəbul olan 50 tələbədən …