Bazar ertəsi , Avqust 8 2022
Ana səhifə / Aktual / Tahir İmanov Bəstəkarlar İttifaqına və telekanallara “OD PÜSKÜRDÜ”: – “Nə vaxta kimi bu biabırçılıq davam edəcək?!”

Tahir İmanov Bəstəkarlar İttifaqına və telekanallara “OD PÜSKÜRDÜ”: – “Nə vaxta kimi bu biabırçılıq davam edəcək?!”

“Planet Parni iz Baku” KVN Teatrınını bədii rəhbəri, əməkdar artist Tahir İmanov Bəstəkarlar İttifaqından, bədii şuralardan, telekanallardan da narazıdır. Azinforum.AZ xəbər verir ki, o, “Sherg.az”a açıqlamasında bayağı musiqilərin efirlərdə üstünlük təşkil etdiyini söyləyib:
-2022-ci ilin “Şuşa İli” elan edilməsindən gözləntilərim böyükdür. Ən böyük istəyim, arzum isə 2022-ci ildə əsl Azərbaycan musiqisinin təbliğ olunduğunu görməkdir. Gözləyirəm ki, “Şuşa İli”ndə əsl Azərbaycan musiqisi, əsl Azərbaycan mədəniyyəti təbliğ olunsun. Təbii ki, dövlət səviyyəsində lazımi tədbirlər keçiriləcək. Bəs telekanallar? Xüsusən də özəl telekanallar nə edəcək? Bu gün teleməkanda yalnız bayağı, yüngül musiqi, bayağı mahnılar səslənir. Azərbaycan musiqisinə aid olmayan, yad bir harmoniya var.

T.İmanov Bəstəkarlar İttifaqını da sərt şəkildə qınadı, telekanllara “od püskürdü”:

-Bəstəkarlar İttifaqı hara baxır? Niyə susur? Televiziyalarda bədii şuralar nə üçün yaradılıb? Nə vaxta kimi bu biabırçılıq davam edəcək? Bir neçə ildən sonra Şövkət Ələkbərova, Sara Qədimova, Mirzə Babayevi… əcnəbi musiqi hesab etməyə başlayacaqlar. Çünki onların səsi gəlmir efirlərdən, əsl Azərbaycan mahnıları, Azərbaycan musiqisi səslənmir.

Efirə çıxanlar bir baxsınlar, Şövkət xanım səhnədə özünü necə aparırdı, Sara xanım necə geyinirdi, duruşu, ifa tərzi necə idi. Biz onları görmüşük. Şəxsən mən xalis Azərbaycan bəstəkarı nəvəsi kimi o səslərə qulaq asmışam.

Görkəmli ifaçıları görmüşəm. Amma gənclər bilmir, eşitmir, dinləmir o musiqini. Onlara bu musiqini çatdıran telekanal da yoxdur.

Həmçinin oxuyun

Zaur Mirzəzadənin vəkili: “Ali Məhkəmədən ədalətli qərar gözləyirik”

“Jurnalist Zaur Mirzəzadənin həbsi əsassızdır və ümid edirik ki, Ali Məhkəmə bu işlə bağlı ədalətli …