Cümə axşamı , Oktyabr 29 2020
Ana səhifə / Aktual / Təhsil ekspertindən bədbin sözlər: – “BDU-da müəllimləri kədərli gördüm”

Təhsil ekspertindən bədbin sözlər: – “BDU-da müəllimləri kədərli gördüm”

Təhsil eksperti Etibar Əliyev sosial şəbəkədə Bakı Dövlət Universiteti ilə bağlı fikirlərini paylaşıb.

Modern.az-ın məlumatına görə, o qeyd edib ki, ötən gün universitetin Böyük Elmi Şurasına dəvət alıb: 

“Öncədən qeyd edim ki, bizim də bitirdiyimiz bu ali məktədə normal təhsil və elm mühitini bərpa etməyə xeyli vaxt lazım gələcək. Professor – müəllim heyətini kədərli gördüm. Hiss olunur ki, eyni problemlər içərisində yaşayıblar. Əsas qənaətim bu oldu ki, Universitetin gələcəyi barədə düşüncələr aydın deyil. Uzun illərin naşı, qaba, qorxu üzərində qurulmuş idarəçiliyi çox dərinlərə işləyib. Böyük fizik Stiven Xokinq kitablarının birində yazır ki, İkinci Dünya Müharibəsində Hitlerlə Çörçill razılığa gəliblər ki, Universitet və ona yaxın olan əraziləri bombalamasınlar. Universitetləri belə qoruyublar. Düşüncəmə görə Bakı Dövlət Universitetində ilk addımlar müəllimləri pessimizim kabusundan çıxarmaqdır. Əks təqdirdə, təhsildə və elmdə irəliləyiş olmayacaq. Fakültələrin uğur stendlərinə baxdım. Son dərəcə bəsit idi. Nümayiş olunan kitablar tədris üçün yetərli sayıla bilməz. Bir sözlə, göz görə-görə, qulaq eşidə-eşidə bu böyük elm və təhsil məbədini uçuruma itələmişik. Bakı Dövlət Universitetinin itirilmiş nüfuzu, oranın hər bir məzunun nüfuzunun itirilməsidir”.

Həmçinin oxuyun

“Dəmir Günbəz”i azərbaycanlı dostlarımızla bölüşməliyik” – Sabiq səfir

Biz “Dəmir Günbəz” sistemini azərbaycanlı dostlarımızla bölüşməliyik. Bunu İsrailin Azərbaycandakı sabiq səfiri Artur Lenk “Twitter” …