Çərşənbə axşamı , Mart 19 2024
Ana səhifə / Aktual / Saxta diplomlu hakim illərdi necə işlədi?

Saxta diplomlu hakim illərdi necə işlədi?

Suraxanı Rayon Məhkəməsinin hakimi Həsənov Ramil Yaqub oğlunun ali təhsilinin şübhə doğurması ilə bağlı məlumat verilmişdi.

“Gənc hakimin diplomu saxta çıxdı?!” sərlövhəli yazımızda Ramil Həsənovun fəaliyyəti dayandırılmış Azərbaycan Beynəlxalq Universitetindən aldığı hüquqşünas diplomundan və bu istiqamətdə əldə etdiyimiz digər məlumatlardan yazılmışdı.

Buhüquqşünas diplomu ilə bağlı şübhələri əsaslandıran başlıca faktor isə Tələbə Qəbuli üzrə Dövlət Komissiyasından sorğumuza verilən 04/73№-li 26.01.2016-cı il tarixli cavab idi: “22.05.1978-ci il təvəllüdlü Həsənov Ramil Yaqub oğlu 1995/1996-cı tədrsi ilində Tələbə Qəbulu üzrə Dövlət Komissiyası tərəfindən alı təhsil müəssisələrinin bakalavriat səviyyəsinə qəbulla bağlı keçirilmiş test imtahanında iştirak etmiş və heç bir təhsil müəssisəsinə qəbul olunmamışdır”.

Cavab məktubunda daha sonra qeyd olunur ki, “Əlavə olaraq bildiririk ki, R.Y. Həsənovun hər hansı bir alı və ya orta ixtisas təhsil müəssisəsini bitirməsi haqqında “Tələbə-Məzun” dövlət elektron məlumat sistemində heç bir məlumat mövcud deyil”.

Bu yazıdan sonra da biz bir neçə aidiyyatı dövlət strukturlarına sorğular ünvanladıq. Alınan cavablar sırasında isə xüsusi ilə diqqət çəkəni Ədliyyə naziri, Məhkəmə-Hüquq Şurasının sədri cənab Fikrət Məmmədova yazdığımız məktubun cavabı oldu.

Azərbaycan Respublikası Məhkəmə-Hüquq Şurasından aldlğımız 1/S-35/2 №-li cavabda deyilir: Bakı şəhəri Suraxanı Rayon Məhkəməsinin hakimi Ramil Həsənovla bağlı Ədliyyə Nazirliyindən Məhkəmə-Hüquq Şurasına daxil olmuş 03. 02. 2016-cı il tarixli müraciətinizə baxilmışdır.

Müəyyənedilmişdir ki, Azərbaycan Beynəlxalq Universiteti tərəfindən R. Həsənovun adına yazılmış A seriyalı 025771№-li diplomun blankı 1999-cu ildə Təhsil Nazirliyi tərəfindən həmin təhsil müəssisəsinə verilmiş dövlət nümunəli sənəddir.

Göründüyükimi, hörmətli gənc hakimin diplomunun saxtakarlığı ilə bağlı şübhələr inkar olunmur. Ölkədə tələbə qəbulu siyasətini həyata keçirən TQDK rəsmən bildirir ki, belə bir şəxs heç bir ali təhsil məktəbinə qəbul olmayıb, ölkənin təhsil siyasətini həyata keçirən Təhsil Nazirliyi isə belə bir şəxsə rəsmən diplom verir.

İndi necə başa düşək-hansı dövlət təşkilatı haqlıdır, hansı haqsızdır? Ortada hansısa maraq olubmu? Olubsa kimlərin və hansı maraqları?

Həmin dövrdə-1999-cu ildə təhsil naziri vəzifəsini Misir Mərdanov icra edirdi.

Mətbuatdan da bəlli olduğu kimi, saxta diplomların verilməsi daha şox məhz sabiq nazirin fəaliyyəti dövrünə təsadüf edir. Gənc hakim Ramil Həsənovun hüquqşünas diplomu kimi…

Mənbə Analoq.az

Həmçinin oxuyun

Bakı Sağlamlıq Mərkəzində milyonlar necə xərclənir? – Asiman Həsənovun müəmmalı tenderləri…

Fevral ayının 21-də Bakı Sağlamlıq Mərkəzinə 2 dişinə plomb qoyulması üçün müraciət edən Xədicə Babazədinin …