Sabir Rüstəmxanlının qızı ilə nişanlanan müğənni: “Mənə qadağa qoyula bilməz”

Musavat.com xəbər verir ki, jurnalistlərin suallarını cavablandıran müğənni nişanlansa da, özünə qadağalar qoymadığını bildirib: “Nişanlanmışam, toya hazırlaşıram. Şəxsi həyatımdan danışmağı sevmirəm. Təbii ki, insanın həyatına biri girəndə həyatında dəyişikliklər olur. Mən sənətçiyəm, nişanlım da məni başa düşür. Nişanlandığım üçün özümə hər hansı qadağa qoymamışam. Mənə qadağa qoyula bilməz”.

Müğənni yaradıcılığından da  söhbət açıb: “Yeni mahnılar üzərində işləyirəm. Əminəm ki, dinləyicilərin zövqüncə olacaq. Sənətimdə yavaş-yavaş dəyişiklik edirəm, fərqli ritmlərdə mahnılar oxumaq niyyətindəyəm. Kliplər çəkdirməyi, konsert verməyi nəzərdə tutmuşam. Şəxsi həyatımda böyük addım atandan sonra sənətlə bağlı planlarımı həyata keçirəcəyəm”.