Bazar ertəsi , İyun 17 2019
Ana səhifə / Səudiyyə Ərəbistanı Yəmənə girdi – Əməliyyat başladı

Səudiyyə Ərəbistanı Yəmənə girdi – Əməliyyat başladı

Səudiyyə Ərəbistanının Yəməndə hərbi əməliyyatlara başladığı bildirilir.
Avropa.info xəbər verir ki, əldə olunan məlumatlara görə Yəmən prezidenri Abdu Rabbuh Hadinin çağırışına cavab verən Səudiyyə Ərəbistanının ölkədə hərbi əməliyyatlara start verib.
10 ölkənin iştirak etdiyi əməliyyatlarda İranın dəstəklədiyi husilərin nəzarət altına aldıqları paytaxt Sana havadan da bombalanıb.
əl-Cəziranın Frans Press və Royters agentliklərinə istinadən yaydığı xəbərə görə, dünən axşam yerli vaxtla saat 18:00-da başladılan əməliyyat haqqında açıqlama verən dövlət rəsmiləri əməliyyatın məqsədinin Yəmən hökumətini qorumaq olduğunu bildirib.
Səudiyyə Ərəbistanının ABŞ-dakı səfiri Adil Cübeyr Yəməndəki sülh səylərinin bir nəticə vermədiyini, məhz buna görə də hərbi müdaxiləyə ehtiyac olduğunu bildirib.
Qeyd edək ki, Səudiyyə Ərəbistanının xarici işlər naziri Feysal Yəməndə sülhün bərqərar olmayacağı təqdirdə lazımi addımların atılacağını bildirmiş, bundan sonra ölkə Yəmən ilə sərhədə qoşun toplamışdı.
ABŞ prezidenti Barak Obama da Körfəz Əməkdaşlıq Şurasının rəhbərlik etdiyi hərbi əməliyyatlara kəşfiyyat dəstəyi verilməsi haqda əmr verib.
Bundan başqa Ağ Ev Milli Təhlükəsizlik Şurasının mətbuat katibi Bernadet Mihan verdiyi yazılı açıqlamada ABŞ-ın, husilərin Yəmən hökumətinə qarşı hərbi hərəkətini qınadığını bildirib.

 

Həmçinin oxuyun

Azərbaycanda ən çox bəraət hökmü çıxaran iki hakim kimdir? – DOSYE

Hüquqşünaslarda belə bir deyim var: “Bəraət hökmü çıxartmamış hakim əslində hakim hesab olunmur”.Azərbaycanda bəraət hökmlərinin …

Bir cavab yazın