Bazar , Yanvar 24 2021
Ana səhifə / Aktual / Rusiyada erməni faşisti Njdenin xatirə lövhəsi söküldü – Video

Rusiyada erməni faşisti Njdenin xatirə lövhəsi söküldü – Video

Rusiyanın Krasnodar vilayətinin Armavir şəhərində faşist Qaregin Njdeyə erməni kilsəsinin həyətində qoyulmuş xatirə lövhəsi sökülüb. “Qafqazinfo”nun məlumatına görə, bu barədə millətlərarası münaqişələr üzrə mütəxəssis Yevgeni Mixaylov Rusiyanın “Cənub xəbərlər agentliyi” saytına açıqlamasında deyib.

“Njdenin Armavirdəki xatirə lövhəsi ilə bağlı situasiya özünün məntiqi sonluğunu tapdı. Bu, Böyük Vətən müharibəsini unutmayan və onunla fəxr edən Azərbaycan və Rusiya hakimiyyətlərinin ümumi qələbəsidir”, – Mixaylov qeyd edib.  

REKLAM

Onun sözlərinə görə, SSRİ uğrunda döyüşən ermənilərə qarşı da mübarizə aparan adamın xatirə lövhəsinə Rusiyada yer ola bilməz.

Xatırladaq ki, Ermənistanda faşist Njdenin qəhrəman obrazının yaradılması barədə məsələni prezident İlham Əliyev MDB-nin Aşqabadda keçirilən sammiti zamanı qaldımışdı. “Təəssüf ki, Ermənistanın yeni hökuməti bu abidəni sökmədi. Hesab edirəm ki, MDB məkanında faşizmin tərənnümünə yer olmamalıdır”, – deyə ölkə başçısı Njdehin Sovet hakimiyyəti tərəfindən tutulduğunu və Vladimir həbsxanasında öldüyünü xatırlatmışdı.

Həmçinin oxuyun

“İcazəsiz aksiya ilə bağlı bir neçə maddə üzrə cinayət işləri başlanılıb” – İstintaq Komitəsi

Moskvada təşkil olunmuş razılaşdırılmamış aksiya ilə bağlı İstintaq Komitəsi tərəfindən cinayət işləri başlanılıb. Bu barədə …