Şənbə , Yanvar 23 2021
Ana səhifə / Aktual / Qubadlının, Cəbrayılın münbit otlaqlarında mal-qara saxlayan Ermənistan kəndləri boşalır…

Qubadlının, Cəbrayılın münbit otlaqlarında mal-qara saxlayan Ermənistan kəndləri boşalır…

Azərbaycanın müzəffər ordusunun 44 günlük savaşından sonra işğalçı Ermənistan hərtərəfli iflas durumuna düşməkdədir. On illərlə torpaqlarımızda qanunsuz məskunlaşmış “qaçqın” adlandırılan ermənilərdən əlavə, qəsbkar ölkənin öz ərazisində yaşayan ermənilər də gündən-günə daha da ağırlaşan həyat şəraitindən şikayətlənirlər.

Moderator.az xəbər verir ki,  Laçın və Qubadlı rayonlarıyla sərhəddə yerləşən Sünik mərzinin Xınzirək, Tex, Gorunzur və s. kəndlərinin sakinləri artıq çox sayda mal-qara saxlamaq imkanından məhrum olduqlarını bildirirlər.  Buna səbəb kimi, 1990-cı illərdən bəri  işğal altında saxladıqları Qubadlı, Cəbrayıl, Füzulinin boş, münbit və rahat otlaqlarının əllərindən çıxması göstərilir. 
Bu haqda erməni müxbirə danışan Xınzirək  kəndinin meri Ervand Malunts həyasızcasına adı çəkilən Azərbaycan ərazilərini “tarixi erməni torpaqları” adlandıraraq onların əldən çıxmasına təəssüflənir.  O, bildirir ki, indiyədək  buradakı erməni kəndlilərin hər biri yüzlərlə iri və xırda buynuzlu heyvan saxlayaraq onları kənddən 15, 20, hətta 50 km uzaqlıqda Qubadlının, Cəbrayılın boş otlaqlarında yemləyirdilər. Azərbaycan ordusu sərhədləri bağladıqdan sonra isə onlar bundan məhrium olurlar. Ona görə də hazırda heyvanları dəyər-dəyməzinə, 5-6 dəfə ucuz qiymətə satmağa məcbur olurlar.  Çoxları işsizlik, dolanışıq ucbatından kənddən köçəməyə başlayıb. Qonşu Tex(Dığ) kəndində də oxşar durumdur. Kəndin sakinlərindən biri bildirib ki, indiyədək 50-60 min mal-qaranın saxlanıldığı kənddə hazırda yalnız 5-10 min heyvan qalıb…

Həmçinin oxuyun

“Xərçəngdən dünyasını dəyişən jurnalistin mənzilini də mənimsəyiblər” – Yeni faktlar

Bakının Səbail rayonunda jurnalistlər üçün tikilmiş binalardan qanunsuz yollarla mənzil verilmiş jurnalistlərdən evlərin geri alınacağı …