Cümə , Dekabr 9 2022
Ana səhifə / Aktual / “Qoy məni utandırmağa davam etsinlər” — Çingiz Abdullayev

“Qoy məni utandırmağa davam etsinlər” — Çingiz Abdullayev

Azərbaycan Yazıçılar Birliyinin (AYB) birinci katibi, Xalq yazıçısı Çingiz Abdullayev mətbuatdan və sosial şəbəkə istifadəçilərindən incikliyini ifadə edib. AYB-nin 13-cü qurultayı zamanı jurnalistin tədbirin təşkili üçün ayırılan 203 min manatın hara xərcləndiyi barədə sualına sərt reaksiya vermiş Xalq yazıçısı ictimaiyyətin ona belə sərt təpki göstərəcəyini gözləmirmiş.

Çingiz Abdullayev mətbuatda və sosial şəbəkələrdə sərt tənqid olunmağından inciyib.

O, incikliyini bu gün qeyd olunan Türkiyənin Cümhuriyyət günü bayramı fonunda diqqətə çatdırıb. Xalq yazıçısı özünün facebook hesabında paylaşım edib:

“Bu gün 29 oktyabr Türkiyədə bayramdır. Mən fəxr edirəm ki, bu gün məni də Türkiyə Cümhuriyyətinin səfirliyi bayram tədbirinə dəvət edib. Təəccüblüdür ki, türklər və qırğızlar, qazaxlar və özbəklər fəxr edirlər ki, mən türkəm. Mənim bəzi “soydaşlarım” isə görünür, belə düşünmür. Hər şey qaydasındadır. Qoy məni utandırmağa davam etsinlər”,- deyə Ç.Abdullayev istehza ilə qeyd edib.

Xatırladaq ki, oktyabrın 26-da AYB-nin 13-cü qurultayı keçirilib. Qurultayın yekununda jurnalist AYB-nin birinci katibi Çingiz Abdullayevə qurultayın təşkili üçün ayırılan 203 min manatın hara xərcləndiyi barədə sual verib. Xalq yazıçısı isə bu sualdan hirslənərək, jurnalistə “utanıb ölmürsən, bunu soruşursan?”, – deyə reaksiya verib.

Bundan sonra sosial şəbəkələrdə çox sayda istifadəçi Ç.Abdullayev barəsində “utanın!” çağırışı ilə statuslar yazıb, müzakirələr açıb və yazıçı sərt tənqidlərə məruz qalıb. Mətbuat da bu tənqidləri tirajlayıb.

Həmçinin oxuyun

Efirləri zəbt edən `Misli`nin QUMAR REKLAMLARI… – Kasıbları hədəfə alan TƏHLÜKƏ…

Mətbuat Şurasını idarə heyətinin üzvü Fərid Pərdəşünas “Misli” qumarının biabırçılığından danışıb.Tribunainfo.az xəbər verir ki, o, …