Qardaşı Şəfəqi müdafiə etdi – “Bacım elə cümlə işlətməyib…”

Xalq artisti Ramiz Novruzun qızı, tanınmış stilist Şəfəq Novruzovanın ötən gün yayımlanan müsahibəsi böyük qalmaqala səbəb olub.

“Qafqazinfo” xəbər verir ki, stilistin “İstədiyim vaxt erməninin yanına gedərəm…” başlıqlı müsahibəsi birmənalı qarşılanmayıb,Novruzova tənqidlərə məruz qalıb.

Məşhur stilistin qardaşı, aktyor Cavidan Novruz bacısını müdafiə edib.

“Vicdan haqqı” serialının qəhrəmanı Şəfəq Novruzovanı tənqid edənlərə sərt cavab verib:

“Yalan xəbərləri yayanları tapsam pis olacaq, bu dəqiqə araşdırıram. Bunu etdirənlər gün kimi aydındır. Elə ermənilərə bir qələt edə bilmirsiz,belə gözdən salmaqla məşğulsuz. Monitor arxasında gizlənən bəzi izləyicilər də şərh yazırlar. Biz bunu ancaq bacarırıq. Ona görə də tüpürüb buradan getmək istəyirəm. Müsahibəni axıra kimi oxuyanda bilinir ki, Şəfəq elə cümlə işlətməyib. Bu qadından nə istəyirsiz?”