Polkovnikin ölümünə səbəb olan şirkət rəhbərinin oğlu açılış etdi – Fotolar

Bakının mərkəzində – Səbail rayon Üzeyir Hacıbəyli küçəsi, 26D ünvanında “SAFA Holding” in daha bir restoranının açılışı olub.

“SAFA Holding” şirkətlər qrupunun icraçı direktoru Xaliq Seyidov bildirib ki, fəaliyyətlərini müştəri məmnuniyyəti və keyfiyyətli xidmət prinsipləri əsasında həyata keçirəcəklər.

Xatırlatmaq istəyirik ki, “Xaliq Faiqoğlu” MMC-nin rəhbəri Faiq Seyidovun oğlu Xaliq Seyidov 2014-cü ildə atasına məxsus avtomobili sənədsiz idarə edərək, yol-nəqliyyat hadisəsi törətmişdi. Bu hadisə Müdafiə Nazirliyində xidmət edən polkovnikin ölümünə səbəb olmaqla gündəmə gəlmişdi.