Polis “Qarabağ”-“Roma” oyununa görə xüsusi qərargah yaratdı

Bu gün Çempionlar Liqasının qrup mərhələsində İtaliyanın “Roma” klubu ilə qarşılacaq “Qarabağ”ın oyunu üçün Bakı şəhərində təhlükəsizlik tədbirləri yüksək həddə çatdırılıb.

“Qafqazinfo” xəbər verir ki, bu məqsədlə oyunun keçiriləcəyi Bakı Olimpiya Stadionunda qərargah yaradılıb.

Oyunun təhlükəsizliyinə polis və daxili qoşun qüvvələri də daxil olmaqla, 3000-dən artıq heyət cəlb olunub.

Qərargaha Bakı Şəhər Baş Polis İdarəsinin rəis müavini, general-mayor Səhlab Bağırov rəhbərlik edir.