“Ona “Dado” deməyin, xoşum gəlmir” – Natavan

“Xahiş edirəm, bu gündən sonra hər kəs ona Səid desin. O, səhnədə Dado ola bilər. Amma mənim yanımda nişanlım, həyat yoldaşım Səid bəydir”. 

“ Azinforum.az ” xəbər verir ki, bu sözləri primetime.az-a müsahibəsində müğənni Natavan Həbibi deyib. Sənətçi bildirib ki,  gələcək həyat yoldaşına Dado deyə müraciət olunmasının əleyhinədir:

“Ona Dado deyəndə heç xoşuma gəlmir. Bunu özü də bilir. Dado əslində onun səhnə ləqəbi də deyil. Səidi uşaqlıqdan ailənin içində Dado çağırıblar. Artıq uşaqlıqdan çıxıb, böyüyüb. İnşallah, ailəmin başçısı olacaq. Ona görə də hörmət eləyin. Əslində hər bir insanın reaksiyasını başa düşürəm. Çünki siz məni yaxından tanıyırsıznız, amma onu heç tanımırsınız.

Onu tanıyandan sonra deyəcəksiniz ki, bunlar eyni adamdır. Bizim xarakterimiz, həyata baxışımız bir-birinə oxşayır. Ümumiyyətlə, biz bir-birimizə də oxşayırıq. Bir çox xüsusiyyətlərimiz üst-üstə düşdüyünə görə, mənim xoşuma gəldi. İş prosesində ondan müsbət enerji aldım. Fikirləşdim ki, onunla hər şey maraqlıdır”.

Natavanın sözlərinə görə, toyda gəlin və bəyin duet  oxumasından xoşu gəlmir:

“Mənim ən acığıma gələn şey bəylə gəlinin mahnı oxumasıdır. Toylara gedib elə görüntünü görəndə onların yerinə utanıram. Ümumiyyətlə, gəlinə tullanıb-düşməyi yaraşdırmıram. Gəlin ağır olmalıdır. Planımda belə şey yoxdur. Toyumda dəvət elədiyim insanlar oxuyacaq. Biz sadəcə izləyəcəyik”