Şənbə , Fevral 24 2024
Ana səhifə / Aktual / Oğlunu universitetə qəbul etdirmək istəyən Könül Kərimova 21 minini istəyir

Oğlunu universitetə qəbul etdirmək istəyən Könül Kərimova 21 minini istəyir

Oğlunu universitetə qəbul etdirmək istəyən müğənni pulunun qalan hissəsini də istəyir.

Musavat.com xəbər verir ki, Bakı Ağır Cinayətlər Məhkəməsində dələduzluqda təqsirləndirilən Məlahət Məmmədovanın cinayət işi üzrə məhkəmə iclası davam etdirilir.

Hakim Fikrət Qəribovun sədrliyi ilə keçirilən sonuncu prosesdə dövlət ittihamçısı çıxış edib. Prokuror Məlahət Məmmədovanın 6 il 10 ay müddətinə azadlıqdan məhrum edilməsini istəyib.

M.Məmmədova əvvəllər məhkumluq həyatı yaşayıb. M.Məmmədova deyib ki, 2012-ci ildə dələduzluqda ittiham olunub və Bakı Ağır Cinayətlər Məhkəməsinin hökmü ilə şərti cəza alıb.

Bildirək ki, M.Məmmədova bir neçə şəxsin etibarından istifadə edərək onları aldadıb.

M.Məmmədovanın bu iş üzrə ümumilikdə 300 minə yaxın pulu dələduzluq yolu ilə ələ keçirdiyi bildirilir.

Zərərçəkmişlərdən biri də Azərbaycanın əməkdar artisti, müğənni Könül Kərimovadır. İttiham aktına əsasən, M.Məmmədova müğənninin oğlu Rəşad Rəhimovu Rusiya Universitetlərindən birinə qəbul etdirib, daha sonra Azərbaycan Dövlət İqtisad Universitetinə köçürtdürəcəyi vədini verib.

K.Kərimovadan bu məqsədlə Məmmədovaya ümumilikdə 32 min manat pul verib.

M.Məmmədova Cinayət Məcəlləsinin 178.3.2-ci (dələduzluq, külli miqdarda) maddəsi ilə ittiham edilir.

Əldə etdiyimiz məlumata görə, K.Kərimova dəymiş zərərdən 11 minini ala bilib. O, qalan 21 min manatının da ödənilməsini istəyir.

Həmçinin oxuyun

Paşinyanın müavini Kamil Zeynallıdan danışdı: “Əminəm, amma təfərrüatlara varmayacam”

İrəvan tərəfindən axtarışda olan Kamil Zeynallının Rusiya tərəfi tərəfindən Bakıya ekstradisiyası ilə bağlı Ermənistan müvafiq …