Cümə , Oktyabr 30 2020
Ana səhifə / Aktual / Nazirlikdən Biləsuvardakı aksiya xəbərinə reaksiya: “Direktor azad edilib, yenisi təyin olunub”

Nazirlikdən Biləsuvardakı aksiya xəbərinə reaksiya: “Direktor azad edilib, yenisi təyin olunub”

Təhsil Nazirliyi Biləsuvarda şagirdlərin aksiya keçirməsi barədə xəbərlərə reaksiya verib.
Mia.az  xəbər verir ki, nazirliyin mətbuat katibi Cəsarət Valehov bəzi saytlarda yayılan videogörüntünün aprelin 25-nə aid olduğunu qeyd edib.
O bildirib ki,  Biləsuvar şəhər texniki fənlər təmayüllü internat tipli məktəb-liseyin fəaliyyəti ilə bağlı Təhsil Nazirliyinə daxil olmuş şikayətlərin araşdırılması məqsədilə nazirliyin müvafiq komissiyası mart-aprel aylarında məktəb-liseydə xidməti araşdırma aparıb, məktəb-liseyin direktoru vəzifəsini müvəqqəti icra edən Natəvan Əzizovanın fəaliyyətində ciddi nöqsanlar aşkar edilib:
“Bununla bağlı komissiyanın rəyinə əsasən Natəvan Əzizova barədə müvafiq intizam tənbehinin tətbiq edilməsi və məktəb-liseyə yeni direktorun təyin olunması qərara alınıb. 
Təhsil nazinin əmri ilə Mübariz İbrahimov adına Biləsuvar Təhsil Kompleksində coğrafiya müəllimi vəzifəsində çalışan, habelə Təhsil Nazirliyinin dərsliklərin qiymətləndirilməsi və monitorinqi qrupunun eksperti Mehman Əliyev həmin məktəb-liseyin direktoru vəzifəsinə təyin edilib. 
Mehman Əliyevin məktəb kollektivinə təqdim edilməsindən bir gün əvvəl məktəbin direktor əvəzi şagirdlərin növbə dəyişməsi zamanı məktəb qarşısında toplaşmasından istifadə edərək bunu şagirdlərin etirazı kimi təqdim etməyə çalışıb. Hazırda internat-məktəbində təlim-tərbiyə prosesi öz axarı ilə davam edir”

Həmçinin oxuyun

Qarabağda sonuncu erməni qalanadək: İrəvandakı “müharibə partiyası”nın intihar qərarı

Ermənistan haqq elədiyini axır ki, almaqdadır. Özü də artıqlaması ilə. Təcavüzkar ölkənin terrorçu və faşist …