Şənbə , Oktyabr 24 2020
Ana səhifə / Aktual / Naziri narahat edən rəqəmlərin səbəbkarı kimlərdir? – “Pulu, adamı varsa…”

Naziri narahat edən rəqəmlərin səbəbkarı kimlərdir? – “Pulu, adamı varsa…”

Xəbər verdiyimiz kimi Azərbaycan Memarlıq və İnşaat Universitetində keçirilən Doktorantların və gənc tədqiqatçıların XXIII Respublika Elmi Konfransında çıxış edən Təhsil naziri Ceyhun Bayramov bildirib ki, fəlsəfə doktoru proqramlarını bitirənlərin 16 faizi, elmlər doktoru proqramlarını bitirənlərin isə cəmi 14 faizi dissertasiya müdafiə edə bilib.

“Bu məsələ bizi ciddi düşündürməlidir”, – deyə nazir qeyd edib. 

Məsələ ilə əlaqədar “Yeni Sabah”a danışan təhsil eksperti Kamran Əsədov deyib ki, faizin bu qədər az olmasının bir çox səbəbləri var:

“Təəssüf ki, bu gün elmlə məşğul olan gənclərin sayı ciddi şəkildə azalıb. Bu ona görədir ki, dissertasiya işlərinin keçirilməsi zamanı Elmlər Akademiyasında və universitetlərdə çox ciddi şəkildə sıxıntı baş verir, maneələr mövcuddur. Burda müdafiə şuraları qərəzli olaraq, ciddi problemlər yaradırlar. Məhz buna görə də magistraturanı bitirən şəxslər doktoranturaya gəlmirlər. Çünki hər hansısa akademiyanın və institutun doktorantura mərhələsində imtahanlar şəffaf həyata keçirilmir. Kimlərsə öz qohumlarının, bu və digər əyri yolla bu mərhələyə gəlirlər. Digər bir səbəb isə əmək haqqının azlığı ilə bağlıdır. Yəni, doktorant 3 il ərzində itmiş vaxtını kompensasiya edə bilmir. Ona görə ki, dövlət tərəfindən verilmiş vəsait azdır. Azərbaycanda 30 yaşdan aşağı olan doktorantlar yox səviyyəsindədir. Həmçinin, Azərbaycan alimlərinin elmi tədqiqat işlərinə istinad çox azdır. Ali Attestasiya Komissiyası bu işə əl qoysa, gənclər elmə gələrlər. Bu gün müdafiə şuralarının önündə uzun-uzadı növbələr var. Kimlərin pulu, adamı varsa, onlar növbədənkənar müdafiə edirlər. Yerdə qalanlar isə illərlə gözlədilir”. 

Həmçinin oxuyun

Qubadlı rayonu Ermənistan ərazisindən artilleriya atəşinə tutulur – Müdafiə Nazirliyi

Döyüş mövqelərini itirərək geri çəkilməyə məcbur edilən düşmən Ermənistanın Gorus rayonu istiqamətindən Azərbaycanın Qubadlı rayonunun …