Ana səhifə / Aktual / Nəsimi rayon İcra Hakimiyyəti məktəblilərlə bağlı silsilə tədbirləri davam etdirir – FOTOLAR
????????????????????????????????????

Nəsimi rayon İcra Hakimiyyəti məktəblilərlə bağlı silsilə tədbirləri davam etdirir – FOTOLAR

Məktəblilərin yay tətili günlərinin  mənalı, maraqlı və  yaddaqalan olması üçün  Nəsimi rayon İcra Hakimiyyəti tərəfindən keçirilən silsilə tədbirlər davam edir.
Azinforum.az 
xəbər verir ki, Nəsimi rayon İcra Hakimiyyəti tərəfindən  Bilgəh qəsəbəsi “Damla” istirahət mərkəzində təşkil edilən tədbirə uşaqlar  onlar üçün xüsusi ayrılmış avtobuslarla gəliblər. Uşaqlar üçün təşkil olunan bu tədbirdə rayonun məktəblərində təhsil alan aztəminatlı ailələrdən,  təhsildə və idmanda fərqlənən məktəblilər iştirak ediblər.
Nəsimi rayon İcra Hakimiyyəti Başçısının birinci müavini Gülarə Verdiyeva tədbirdə iştirak edən uşaqlara xoş istirahət arzu edərək bildirib ki,  bu gün dövlətimiz hər bir azərbaycanlı uşağının yüksək sosial-mədəni mühitdə böyüməsinə çalışır: “Ölkəmizdə dövlətin hüquq sisteminin əsasını təşkil edən Konstitusiya və qanunlarla uşaq hüquqlarına etibarlı təminat mexanizmləri yaradılıb. Məqsəd uşaqların layiqli, firavan yaşayış səviyyəsinin, təlim-tərbiyəsinin, təhsilinin,sosial müdafiəsinin, sağlamlığının  yüksək səviyyədə təşkil edilməsidir”.
 Gülarə Verdiyeva daha sonra bildirib ki,  uşaqların istirahətini və sosial qayğılarını təmin etmək məqsədilə Heydər Əliyev Fondu  davamlı olaraq layihələr həyata keçirir: “Fondun bu istiqamətdə dövlətin fəaliyyətinə hərtərəfli dəstəyə əsaslanan nəcib, xeyirxah işləri nümunəvidir. Bu xeyriyyəçilik fəaliyyətinin əsas motivini insanlara sevgi və təmənnasız xeyirxah əməllər təşkil edir. Azərbaycanın Respublikasının Birinci vitse-prezidenti  Mehriban Əliyeva “Uşaqlar Azərbaycanın sabahıdır, gəlin onların problemlərinə biganə qalmayaq” fikrini dəfələrlə vurğulayıb”. 
Tədbirdə uşaqlar müxtəlif maraqlı oyunlarda iştirak edib, qaliblər hədiyyələrlə mükafatlandırılıblar. 
İsti yay günündə əylənən uşaqlar Nəsimi rayon İcra Hakimiyyətinin təşkil etdiyi bu aksiyadan xüsusi zövq alıb, burada gözəl istirahət edib, əyləniblər. 
Tədbirdə uşaqlar birgə nahar ediblər.
Keçirilən tədbir məktəblilərin yaddaşında xoş izlər buraxmış, onların valideynlərinin çox böyük razılıqlarına səbəb olmuş, valideynlər  məktəbli uşaqlara göstərilən diqqət və qayğıya görə Azərbaycan Respublikasının Prezidenti İlham Əliyevə  və Azərbaycanın Respublikasının Birinci vitse-prezidenti  Mehriban Əliyevaya  öz minnətdarlıqlarını bildiriblər.

Həmçinin oxuyun

Bərdədə gecə yanğını: Alov ticarət obyektlərini məhv etdi

Bərdə rayonunun mərkəzində yerləşən ticarət obyektlərindən birində yanğın baş verib. Fövqəladə Hallar Nazirliyindən (FHN) verilən məlumata …