Cümə axşamı , İyun 17 2021
Ana səhifə / Aktual / “Nə üçün Azərbaycanda Aİ-95 istehsal edilmir?” – Naqif Həmzəyev

“Nə üçün Azərbaycanda Aİ-95 istehsal edilmir?” – Naqif Həmzəyev

Milli Məclisin deputatı Naqif Həmzəyev “Aİ-95” markalı benzinin qiymətinin qalxmasından danışıb.

“Qafqazinfo” xəbər verir ki, deputat açıqlamasında qeyd edib ki, qiymət artımı sürücülər üçün heç də yaxşı xəbər olmadı: “Bu məsələ sürücülərimizi, vətəndaşlarımızı istər-istəməz narahat edir. Həm də sual doğuran məqam odur ki, bu növ benzin nə üçün bu günə qədər Azərbaycanda istehsal edilmir? Axı biz neft ölkəsiyik, xaricə neft ixrac edirik. Bizim bu benzin növünü istehsal etmək üçün kifayət qədər imkanımız var. Əgər istehsal etsəydik, qiymət artımı olmazdı və sürücülər bu qədər böyük xərcə düşməzdi.

Qeyd edim ki, hər dəfə benzinin qiyməti qalxdıqdan sonra bir sıra məhsullarda, xüsusilə ərzaq məhsullarında süni qiymət artımının şahidi oluruq. Biz istəməzdik ki, belə bir hal olsun. Düşünürəm ki, aidiyyatı qurumlar çalışmalıdır ki, digər məhsullarda süni qiymət artımının qarşısı alınsın və əhalimiz çətin vəziyyətə düşməsin”.

Qeyd edək ki, bu gündən Azərbaycanda “Aİ-95” premium markalı benzinin qiyməti 1.40 AZN olub. Qiymət artımına qədər “Aİ-95” 1.25 AZN idi.

Həmçinin oxuyun

“Gələn il Şuşa türk dünyasının mədəniyyət paytaxtı olacaq” – Ərdoğan

Qarabağ dünyanın ən gözəl yeri olmaqla yanaşı, mədəniyyət yerlərindən biri idi. İnşallah, yenə həmin hala …