Radikal müxalif mövqeyi ilə tanınan vəkil Qurban Məmmədov sosial şəbəkə vasitəsilə Naxçıvan Muxtar Respublikası Ali Məclisinin sədri Vasif Talıbova minnətdarlığını ifadə edib. Tanınmış vəkil Naxçıvanda qəbrüstü abidələrin qanunvericiliyin və İslam dininin tələblərinə tam uyğunlaşdırılmasını təqdir etdiyini bildirib. Azinforum.az Qurban Məmmədovun fikirlərini təqdim edir.
“Halal olsun Naxçıvan Ali Məclisinin sədri V.Talıbova.
Naxçıvanda qəbirüstü abidələr, gümbəzlər, dəmir barmaqlıqlar, bir sözlə, islam dininə uyğun olmayan bütün “qəbir bəzəkləri” sökdürülür.
Peyğəmbərinin və imamlarının, övliya və alimlərinin qəbri sadə olan bir din mənsublarının qəbr bəzəmək, pir, ocaq uydurmaq kimi zərərli adətlərinə son qoyulmalıdır.
Bu prosesi bütün Azərbaycan boyu aparmaq lazımdır”.
Azinforum.az