Ana səhifə / Aktual / Müsavat qurultay üçün BŞİH-yə müraciət edəcək

Müsavat qurultay üçün BŞİH-yə müraciət edəcək

“Çalışacağıq ki, 9-cu Qurultay şəffaflıq və demokratiya baxımından yeni bir nümunə olsun. Əminəm ki, Müsavat Partiyasının üzvləri ən düzgün olan qərarları qəbul edəcəklər”.

Bunu “Qafqazinfo”ya açıqlamasında Müsavat Partiyasının başqanı Arif Hacılı deyib. Onun sözlərinə görə, Müsavat Partiyasının qurultayı həmişə böyük əks-səda doğurub: “Qurultayda prosedurlara tam şəkildə əməl olunur. Demokratik seçkilər keçirilir. Çalışacağıq ki, 9-cu Qurultay şəffaflıq və demokratiya baxımından yeni bir nümunə olsun. Əminəm ki, Müsavat Partiyasının üzvləri ən düzgün olan qərarları qəbul edəcəklər. Müsavat Partiyasında başqanlığa namizədlərin irəli sürülməsi dövrü hələ tam dəqiqləşməyib.  Bu dövrdə yəqin ki, başqa namizədlər də olacaq”.
A.Hacılı vurğulayıb ki, bu, Müsavat Partiyasının növbəti qurultayıdır: “Qurultayda partiya başqanının, Nəzarət Təftiş Komissiyasının hesabatları dinləniləcək. Hesabatlar ətrafında müzakirələr aparılacaq. Eyni zamanda, Müsavat Partiyasının başqanı, Nəzarət Təftiş Komissiyası və Məclis üzvləri seçiləcək. Bundan əlavə, cari məsələlər zamanı müəyyən qərarlar qəbul ediləcək. Partiyanın nizamnaməsində müəyyən dəyişikliklərin edilməsi nəzərdə tutulub. Qurultayın keçirilməsi üçün yerin ayrılması ilə əlaqədar bu günlərdə Bakı Şəhər İcra Hakimiyyətinə müraciət ediləcək”.

Qeyd edək ki, bugünə kimi başqanlığa 2 nəfər namizədliyini irəli sürüb. Bunlar Tofiq Yaqublu və Yadigar Sadıqlıdır. Hələ ki, A. Hacılı namizədliyini rəsmi şəkildə irəli sürməyib.

Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …