Çərşənbə , Dekabr 12 2018
Ana səhifə / Aktual / Müəllimlə şagird arasındakı davaya görə direktor nazirliyə çağırıldı

Müəllimlə şagird arasındakı davaya görə direktor nazirliyə çağırıldı

Xəbər verdiyimiz kimi, Bakıda 12 nömrəli Bakı Peşə Liseyində müəllimlə şagird mübahisə edib.

Araşdırma zamanı məlum olub ki, hadisə peşə liseyində 307 nömrəli qrupda təhsil alan şagird Elvin Xəlilov ilə liseyn istehsalat-təlim ustası Oktay Allahverdiyev arasında yaşanıb. Səbəb sinifdə uşaqların səs salması olub. Elvin Xəlilov iddia edib ki, mübahisə zamanı Oktay Allahverdiyev hətta onu vurub.

Unikal.org-un əldə etdiyi məlumata görə, hadisə ölkə mətbuatında ictimailəşəndən sonra 12 nömrəli Bakı Peşə Liseyinin direktor əvəzi Şahin Bəylərov Təhsil Nazirliyinə çağırılıb.

“Bu davaya görə indi nazirliyə gedirəm. Nazirliyin balansında olan Peşə Təhsili üzrə Dövlət Agentliyinə çağrılmışam. Bizə bu barədə dünən məlumat verilib. Artıq bununla bağlı pedaqoji şuranın iclasını çağırmışıq. Dünən həm müəllimi, həm şagirdi çağırıb söhbət etdik. Məlum oldu ki, sözügedən hadisə oktyabr ayında olub. Liseyn istehsalat-təlim ustası Oktay Allahverdiyev və şagird Elvin Xəlilov hadisəni bizdən gizlədiblər. Niyə bunu rəhbərliyə deməyiblər, gizli saxlayıblar və bu indi ictimailəşib bizə də qaranlıqdır. Bu məsələlər pedaqoji şurada aydınlaşdırılacaq. Dünən həmin şagirdin valideynini də liseyə dəvət etmişdik. O da bildirdi ki, bu davadan xəbərsizdirlər”.

VIPedu.BIZ

Həmçinin oxuyun

Heydər Əliyev Fəxri Xiyabanda – Video

Dövlət Təhlükəsizlik Xidmətinin rəhbərliyi və şəxsi heyəti ümummilli lider Heydər Əliyevin məzarını ziyarət edib. “Qafqazinfo”nun verdiyi xəbərə …