Oktyabrın 11-i saat 19 radələrində “Makromat” mağazalar şəbəkəsinin Ayna Sultanova heykəlinə yaxın ərazisində (Ziya Bünyadov prospekti, 54) yerləşən mağazasında müştərilərlə mağaza əməkdaşları arasında ciddi qalmaqal yaşanıb.
Bu barədə məlumatı Azinforum.az-a hadisənin şahidi olan vətəndaşlar veriblər. Qalmaqala səbəb mağazanın müştəriləri aldatması olub:
“Çox ziyalı körkəmli olan xanımlar kassada görüblər ki, vitrinlərdə yazılan qiymətlərlə kassada tələb edilən pul arasında kəskin fərq var. Bu səbəbdən də onlar mağazanın müdriyyətini çağırıblar. Hadisə yerinə gələn və özünü mağazanın müdriyyəti kimi təqdim edən, Ayaz adlı birisi müştərilərlə çox kobud tonda danışıb və onlara deyib ki, gedin hara istəyirsiniz şikayət edin. Narazı müştərilərdən biri “ANS-i gətirəcəm” qışqıraraq marketi tərk edib”.
Qeyd edək ki, bir müddət əvvəl “Makromat” mağazalar şəbəkəsinin bonus kampaniyası barədə də KİV-lərdə şikayət məzmunlu materiallar yer almışdı.
Azinforum.az olaraq biz yenidən həmin bonus kampaniyası ilə maraqlandıq. Məlum oldu ki, hər 10 manat alış-veriş edənə 1 bonus yazılır. Ancaq təqdim olunan hədiyyələri qazanmaq üçün müştərinin bonus yığması qeyri-mümkündür. Məsələn, kampaniyada Apple İPod-a sahib olmaq üçün müştəri 2560 bonus yığmalıdır ki, bunun üçün də o, 25 min 600 manat xərcləməlidir.
Sadə dillə desək, “Makromat”dan Apple İPod-a sahib olmaq üçün vətəndaş evini satıb həmin marketdə xərcləməlidir…
“Makromat” mağazalar şəbəkəsinin də mövqeyini dinləməyə hazırıq.
ÇİNARƏ SEYİDOVA
AZİNFORUM.AZ