Şənbə , Oktyabr 23 2021
Ana səhifə / Aktual / Maduroya Bakıda zümrüd qaşlı üzüyü kim bağışlayıb?

Maduroya Bakıda zümrüd qaşlı üzüyü kim bağışlayıb?

Bu günlərdə Meksikanın paytaxtı Mexikoda Latın Amerikası və Karib hövzəsi ölkələrinin (ABŞ, Kanada və Braziliya bura daxil deyil) sammiti keçirilib. Sammitin ən qalmaqallı məqamlarından biri Venesuela diktatoru Nikolas Maduronun orada iştirakı olub. Uruqvay və Kolumbiya sammit təşkilatçılarından xahiş etmişdilər ki, Maduronun toplantıya buraxmasınlar, amma ev sahibi ölkə hər halda onu dəvət edib.

Maduro sammitdə çıxışı zamanı Avropa İttifaqına oxşar strukturun yaradılması ideyasına dəstək verib və bildirib ki, yeni təşkilatın mənzil-qərargahı Mexikoda yerləşə bilər. Lakin “Heraldo de Mexico” nəşri yazır ki, Maduro sammitdə özünü ərəb şeyxi kimi aparırdı.

“Onun barmağında iki üzük vardı: Azərbaycanda ona bağışlanmış zümrüd qaşlı üzük və ikincisi, sadəcə qızıldan olan”,-nəşr özünün “Banan respublikaları” adlı məqaləsində yazır.

Nikolas Maduro 2016-cı ilin oktyabrında Qoşulmama Hərəkatının sammitində iştirak etmək üçün Bakıya səfər etmişdi. Həmin sammitdə təşkilata sədrlik Azərbaycana keçib. virtualaz.org

Həmçinin oxuyun

Rusiya Telman İsmayılovdan əl çəkmir

Rusiya İstintaq Komitəsinin sədri, ədliyyə generalı Aleksandr Bastrıkin Telman İsmayılovun işi ilə bağlı göstəriş verib.Bastrıkin …