Ana səhifə / Aktual / Məleykə Əsədova xalq artistindən əl çəkmir – Ramiz Məliklə bağlı yenidən şikayət verildi

Məleykə Əsədova xalq artistindən əl çəkmir – Ramiz Məliklə bağlı yenidən şikayət verildi

Xalq artisti Məleykə Əsədova ilə xalq artisti Ramiz Məlik arasında məhkəmə çəkişməsi davam edir.
M.Əsədovanın yeni vəkili Ceyhun Yusifov “Report”a açıqlamasında bildirib ki, Nəsimi Rayon Məhkəməsinin qərarından apellyasiya şikayəti verilib.
Müdafiəçinin sözlərinə görə, Bakı Apellyasiya Məhkəməsinə təqdim edilən apellyasiya şikayətində müvəkkilinin 200 min manat məbləğində təzminatının təmin edilməsi istənilir.
C.Yusifov söyləyib ki, R.Məlik M.Əsədovanın şərəf və ləyaqətini təhqir etdiyi üçün hüquqi müstəvidə sona qədər mübarizə aparılacaq.
Qeyd edək ki, M.Əsədova həmkarı R.Məlikin onun şərəf və ləyaqətini təhqir etdiyini iddia edib. O, Nəsimi Rayon Məhkəməsinə müraciət edərək həmkarından 200 min manat məbləğində təzminat istəyib.
R.Məlikin vəkili Türkel Süleymanlı da məhkəmədə qarşılıqlı iddia qaldırıb. O, M.Əsədovanın müvəkkilini təhqir etdiyini və buna görə 300 min manatlıq iddia qaldırdıqlarını söyləyib. Mülki iddia icraata qəbul edilib.
Lakin Nəsimi Rayon Məhkəməsinin qərarına əsasən, hər iki iddia təmin edilməyib.

Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …