Şənbə , Oktyabr 24 2020
Ana səhifə / Aktual / Məşhur klinika 1 milyon cərimə edildi – Nazirlik Bakıda yoxlamalar apardı

Məşhur klinika 1 milyon cərimə edildi – Nazirlik Bakıda yoxlamalar apardı

Bakıda fəaliyyət göstərən özəl klinikalardan birinin 1 milyon manat məbləğində cərimə olunduğu iddia edilir.

Minval.info-nun əldə etdiyi məlumata görə, Vergilər Nazirliyi tərəfindən özəl xəstəxanalarda ciddi yoxlamalar başlanılıb. İddiaya görə, yoxlamalar zamanı “MedEra Hospital”da ciddi qanun pozuntusu aşkarlanıb.

Belə ki, klinikada çalışan həkim və işçi heyətinin böyük hissəsinin əmək müqaviləsi olmayıb. Hospital işçilərinin sayını az göstərərək vergidən yayınıb. Buna görə də, “MedEra Hospital” 1 milyon manat cərimə edilib.

Yoxlamalar “İstanbul NS” klinikasında da aparılıb və ciddi nöqsanlar aşkar edilib. Hər iki klinika ilə əlaqə saxladıq. “MedEra Hospital”da telefona cavab verən xanım, “Belə bir şey yoxdur” deyib, telefonu qapatdı. “İstanbul NS” klinikasında isə bizi 2 saat ərzində müxtəlif cavablar və nömrələr verdilər. Sonda da telefonlara cavab verən olmadı.

 

Həmçinin oxuyun

Qubadlı rayonu Ermənistan ərazisindən artilleriya atəşinə tutulur – Müdafiə Nazirliyi

Döyüş mövqelərini itirərək geri çəkilməyə məcbur edilən düşmən Ermənistanın Gorus rayonu istiqamətindən Azərbaycanın Qubadlı rayonunun …