Cümə axşamı , İyun 24 2021
Ana səhifə / Aktual / Lukaşenko Qarabağla bağlı Avropaya çağırış etdi – VİDEO

Lukaşenko Qarabağla bağlı Avropaya çağırış etdi – VİDEO

Belarus prezidenti Aleksandr Lukaşenko Avropa ölkələrini Dağlıq Qarabağ probleminə ciddi şəkildə diqqət yetirməyə çağırıb.

Bunu o, ötən gün Minskdə ATƏT-in Parlament Assambleyasının 26-cı illik sessiyasının təntənəli açılış mərasiminə həsr olunmuş plenar iclası zamanı bildirib.

“Avropa bu gün dövlətlərin zamanında həll etməli olduğu problemlərin episentrindədir. Bir tərəfdən bu problemlərin Avropa qitəsinə aidiyyəti yoxdur, lakin məhz Avropa bu çətinliklərin kəsişməsinə düşüb”, – deyə o bildirib.

Belarus prezidenti nümunə olaraq Yaxın Şərqdə terrorçuluq, qanunsuz miqrasiya və digər problemləri yaradan hərbi münaqişələri xatırladıb: “Məqamın tarixiliyi ondan ibarətdir ki, fəaliyyətsizliyin nəyə gətirib çıxardığını hiss etdilər. Avropadakı, o cümlədən Dağlıq Qarabağ və Dnestryanıdakı problemlər həll olunmamış qaldı və nəticədə qitənin mərkəzində – Ukraynada münaqişə yarandı.

Ona görə, məqamın tarixiliyi ondan ibarətdir ki, biz bu problemlərə ciddi şəkildə diqqət yetirməliyik. Və ən əsası, hörmətli deputatlar, bizim bu problemlərin prioritetliyini ardıcıllıqla sıralamağımız çox vacibdir. Nəhayət, artıq təxirə salınması mümkün olmayan və sadəcə fəryad edən problemlərə ciddi şəkildə diqqət yetirməyin vaxtı çatıb”, – deyə Belarus prezidenti bildirib.

 

Azinforum.az

Həmçinin oxuyun

Nazir prorektor olan qayınatanı işdən çıxarıb, yerinə kürəkənini təyin etdi – TƏHSİLDƏ VƏRƏSƏLİK

Xəbər verdiyimiz kimi, Təhsil naziri Emin Əmrullayevin əmrinə əsasən, Kamran Rəsulov Azərbaycan Texniki Universitetində (AzTU) …

Bir cavab yazın