Bazar ertəsi , Oktyabr 26 2020
Ana səhifə / Aktual / Leyla və Arzu Əliyevalar yoqa ilə bağlı seminarda

Leyla və Arzu Əliyevalar yoqa ilə bağlı seminarda

“YARAT” Müasir İncəsənət Mərkəzində “Yoqanın biopsixologiyası” adlı seminar keçirilib.

“YARAT”dan Trend-ə verilən məlumata görə, Heydər Əliyev Fondunun vitse-prezidenti Leyla Əliyeva və Arzu Əliyeva seminarda iştirak ediblər.

Açarya Sadananda Avadhuta tərəfindən keçirilən seminar zamanı şüurun vücudla olan əlaqəsini nəzərdən keçirməklə yanaşı, vəzi və hormonların xarakterimizə, davranışımıza, əhvalımıza necə təsir etdiyindən danışılıb.

Hormonlar bizim duyğularımıza nəzarət edir. Əgər vəzilər düzgün tənzimlənməyibsə və hormonları həddindən artıq və ya az miqdarda törədirsə insan ruh düşkünlüyündən əziyyət çəkir, depressiyaya uğrayır. Yoqa – vücud və xasiyyəti harmonik idarə etməyi öyrədir. Bu, mənəvi, fiziki və zehni sahələrdə daha da sürətli inkişaf etməyə imkan verir.

Açarya Sadananda Avadhuta 17 min saatdan çox meditasiya təcrübəsinə malikdir. On beş ildə 12 min insana yoqa və meditasiyanın əsaslarını öyrədib, 40-a yaxın yoqa üzrə təlimatçı hazırlayıb. O 3 il İsveç və Hindistan yoqa monastırlarında yaşayıb. Hər il bir çox ölkələrdə yoqa seminarları keçirir. Onun təşəbbüsü və təşkilatçılığı ilə Altayda (Rusiya) tutumu 500 nəfər olan Mənəvi İnkişaf və Təbii Müalicə Mərkəzi inşa olunub. Pulsuz onlayn yoqa və meditasiya kursunun təsisçisidir.

Həmçinin oxuyun

Prezidentin rəhbərliyi ilə operativ müşavirə keçirildi

Oktyabrın 25-də Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi ilə Müdafiə Nazirliyinin …