Cümə axşamı , İyul 7 2022
Ana səhifə / Aktual / Laçın şəhəri Azərbaycan ordusunun nəzarətinə nə vaxt keçəcək? – VİDEO

Laçın şəhəri Azərbaycan ordusunun nəzarətinə nə vaxt keçəcək? – VİDEO

Son günlər sosial şəbəkələrdə Laçın şəhərinin Azərbaycanın nəzarəti altına keçməsi ilə bağlı videogörüntülər paylaşılıb. Yayılan videolar geniş müzakirələrə səbəb olub.

Hərbi ekspert Ədalət Verdiyev müsahibəsində bildirib ki, Laçın dəhlizinə çəkilən alternativ yol istifadəyə verildikdən sonra Laçın şəhərinə Azərbaycan ordusu tam nəzərət edəcək. Şəhərin Azərbaycana təhvil verilməsinə isə az alıb.

”Laçın dəhlizinə alternativ çəkilən yeni avtomobil yolu istifadəyə verildikdən sonra Laçın şəhəri Azərbaycanın tam nəzarətinə keçəcək. Azərbaycan ordusu şəhərə və ətraf kəndlərə tam nəzarət edəcək”.

Sosial şəbəkələrdə Laçın şəhərinin nəzarətimizə keçməsi ilə bağlı yayılan videoları şərh edən hərbi ekspert Ədalət Verdiyev ”Xəzər Xəbər”ə müsahibəsində belə deyib. Onun sözlərinə görə, Laçın dəhlizindən Rusiya sülhməramlılarının alternativ yola köçürülməsi Laçında mövcud olan erməni silahlılarının da çıxarılması ilə nəticələnəcək.

Ədalət Verdiyev deyir ki, erməni silahlıların və təxminən 50-yə yaxın erməni ailəsinin Zabux ərazisində artıq köçürülmə təlaşı başlayıb. Onların narahat olmasının səbəbləri isə hamıya məlumdur.

Qeyd edək ki, Laçın şəhərinə daxil olmadan keçən yeni avtomobil yolunun inşasının cari ildə başa çatdırılması nəzərdə tutulub.

Həmçinin oxuyun

Sabirabad icra hakimiyyətində HƏBSLƏR GÖZLƏNİLİR – Siraqəddin Cabbarovun VAXTI YETİŞİB

Sabirabad rayon icra başçısı Siraqəddin Cabbarovla birinci müavini Həsən Həsənovun çətin duruma düşdüyü və vəzifələrindən …