Cümə axşamı , Yanvar 21 2021
Ana səhifə / Aktual / “Kapitalbank”dan növbəti (kiber) özbaşınalıq – Pensiyaçının 212 manatını kəsib, polissiz bərpa etmir

“Kapitalbank”dan növbəti (kiber) özbaşınalıq – Pensiyaçının 212 manatını kəsib, polissiz bərpa etmir

“Kapitalbank”dan narazılıqlar səngimək bilmir. Ölkə üzrə bank əməliyyatlarının monopolistinə çevrilən bank hətta İqtisadiyyat Nazirliyinin səlahiyyətlərini də icra edir ! (?) Aztəminatlı şəxslər, pensiyaçılar da inhisarçı “Kapitalbank”ın şiddətindən (oxuma, xidmətindən!) yararlanmağa məcbur edildiklərindən çeşidli özbaşınalıqlarla üzləşirlər. Bakı şəhəri, Nizami rayon sakini Şakir Kərimovun bu günlərdə üzləşdiyi problemi isə özbaşınalığın yeni növü saymaq olar”. Bua barədə DİA.AZ-a daxil olan müraaciətdə deyilir.

Müraciətdə daha sonra bildirilir: “Güzəştli şərtlərlə pensiyaçı Ş. Kərimov dekabrın 18-də pensiyasını bankomatdan çəkəndə məbləğin 212 manat az olduğunu görüb və DSMF-in Xüsusi Şərtlərlə Təyinat İdarəsi ilə bağlantı qurduqdan sonra pensiya ödəyən idarənin vəsaiti tam köçürdüyünə əmin olub. Pensiya kartını əldə etdiyi “Kapitalbank”ın Nərimanov filialından polisə və Nizamidəki banka müraciət etməyi məsləhət görüblər. Əsl həngamə də bundan sonra başlayıb! Nizami polisi bankdan çıxarış tələb edərək vətəndaşın ərizəsini belə almaqdan imtina edib, bank isə 27.11.2020 tarixində 200 manat avans -kreditin 12 manatlıq komissiya haqqı ilə götürüldüyünü şifahi bildirsə də , kamera görüntüləri bunu doğrulamadığından çıxarış verməkdən boyun qaçırıb. Beləcə 212 manat pensiyasının kibercinayətkarlıq yolu ilə “yoxa çıxdığına” əmin olan pensiyaçı ali dövlət hakimiyyəti orqanlarına, sosial-iqtisadi və bank sahəsinə cavabdeh qurumlara, hüquq – mühafizə orqanlarına elektron qaydada şikayət etmək zorunda qalıb. Şikayətə anında reaksiya verən Azərbaycan Banklar Assosiasiyası “Kapitalbank”a , bank isə şikayətçiyə üz tutub . Müştəriyə polisə ərizə verməyi, yalnız bundan sonra polislə birgə “yoxa çıxan” pensiyanın “axtarışının” mümkünlüyünü deyiblər. (?)

İndi vətəndaş pensiyaçı “Səni axtarıram” layihəsinin başçısı Xoşqədəm xanım Hidayətqızına üz tutmağı fikirləşir. Neyləsin, polis bankdan, bank polisdən ŞİKAYƏTÇİNİN “çıxarış-qəbz” almasını tələb edir! (?) Absurd deyilmi?”

Həmçinin oxuyun

Mikayıl Cabbarov təkzib edir

“Azərbaycan, SOCAR da daxil olmaqla, iri dövlət şirkətlərindəki səhmlərini satmağı planlaşdırmır”. Bunu ölkənin iqtisadiyyat naziri …