Qarabağ separatçılarının “dövlət naziri” Qriqori Martirosyan martın 16-da Livana gedib.
Axar.az
xəbər verir ki, onun səfəri martın 18-nə qədər davam edib. Onunla
Livana gedən heyətin tərkibində qondarma rejimdə yaradılmış Şaumyan
rayonunun (Kəlbəcər rayonu və Goranboy rayonunun bir qismini öz
tərkibində cəmlədiyi iddia olunur – red.) administrasiyasının rəhbəri
Qagik Martirosyan da yer alıb.
Qriqori
Martirosyan Livanda Ermənistanın bu ölkədəki səfiri Vaaqn Atabəyyan,
ARİ Fondunun nümayəndəsi Benyamin Bıçaqçıyan, qondarma rejimin Yaxın
Şərq üzrə “daimi nümayəndəsi” Karo Kababçıyanla görüşüb. Bundan başqa o,
Ramkavar Azatakan Partiyası, Hnçaq Partiyası, Daşnaksütyun Partiyasının
nümayəndələri ilə də görüş keçirib.
Martirosyan
ARİ Fondunun nümayəndələri ilə görüşü zamanı Kaşataq rayonunda
(qondarma rejim Qubadlı, Zəngilan, Laçın və Cəbrayılın qərb hissəsinin
birləşdirilməsindən “yaradılıb” – red.) yaşayış obyektlərinin
tikintisinin davam etdirilməsini və Kəlbəcərdə analoji proqramın icrası
üçün danışıqların baş çatdırılıb, müqavilə imzalanması müzakirə olunub.
Martirosyan Beyrutla bərabər Zaxla şəhərində də olub. Burada Böyük Kilikiya Evi Katolikosluğunun nümayəndələri ilə görüşüb.
Qeyd edək ki, son dövrlərdə ermənilər Qarabağda Suriyadan gələn ermənilərin yerləşdirilməsi prosesini intensivləşdiriblər.
Həmçinin oxuyun
Bakı Sağlamlıq Mərkəzində milyonlar necə xərclənir? – Asiman Həsənovun müəmmalı tenderləri…
Fevral ayının 21-də Bakı Sağlamlıq Mərkəzinə 2 dişinə plomb qoyulması üçün müraciət edən Xədicə Babazədinin …