Şənbə , Oktyabr 24 2020
Ana səhifə / Harri Kasparov peşəkar karyerasını bərpa edir

Harri Kasparov peşəkar karyerasını bərpa edir

Şahmat üzrə sabiq dünya çempionu Harri Kasparov peşəkar karyerasını bərpa edir.

“Report”un “France Presse” agentliyinə istinadən verdiyi məlumata görə, 54 yaşlı qrossmeyster bu gün ABŞ-ın Sent-Luis şəhərində təşkil olunacaq “Sinquefield Cup”da iştirak edəcək.

Sürətli şahmat və blits turnirinin təşkilatçıları bunun üçün H.Kasparova “vayld-kart” – xüsusi dəvət göndəriblər. Çünki 12 il əvvəl peşəkar idmandan gedəndən sonra onun təsnifat mərhələsində iştirak etmək imkanı olmayıb.

İlk görüşünü rusiyalı Sergey Karyakinə qarşı keçirəcək təcrübəli qrossmeyster ümumilkdə 9 rəqiblə qarşılaşacaq.

Qeyd edək ki, 1963-cü ildə Bakıda anadan olan Harri Kasparov Ümumdünya Şahmat olimpiadalarının 8 qat qalibi, 11 şahmat “Oskar”ının sahibidir. O, 2005-ci ildə özünü siyasi fəaliyyətə həsr etmək üçün şahmatçı karyerasını başa vurub və bir sıra müxalif hərəkatların sıralarına qatılıb.

Həmçinin oxuyun

“Qəhrəman əsgərlərimizin son qələbəyə imza atacaqları tarixi gün uzaqda deyil” – Afsəddin Nəbiyev

“Ermənistanın bu hökuməti ilə münaqişənin sülh yolu üzrə nizamlanması perspektivləri çox uzaqdır”. Bunu Prezident İlham …

Bir cavab yazın