Şənbə , Fevral 23 2019
Ana səhifə / Aktual / Hafiz Hacıyev: “Məmur təbəqəsində həbslər aparılmalıdır!”

Hafiz Hacıyev: “Məmur təbəqəsində həbslər aparılmalıdır!”

“Mingəçevir İstilik Elektrik Stansiyasında baş verən qəza birbaşa məmur səhlənkarlığının nəticəsidir. Bu məmurların dövləti saymamazlığıdır”.

Azinforum.az xəbər verir ki, son hadisələri Modern.az-a şərh edən Müasir  Müsavat Partiyasının sədri Hafiz Hacıyev belə deyib. O, məmurların işə məsuliyyətsiz yanaşmalarını ciddi nöqsan adlandırıb:

“Bunu prezident öz çıxışında da dedi. Həmin məmurlar birbaşa həbs edilməli idi. Azərbaycanda enerji sahəsinə milyardlarla pul qoyulub, amma heç bir nəticəsi yoxdu. Məmurlar başlayırlar yalan danışmağa, ölkə prezidentini, xalqı aldatmağa çalışırlar. Prezident iclasda onlara çox haqlı olaraq iradını bildirdi. Belə məmurlarla Azərbaycan irəli gedə bilməz, ona görə ki, bu insanlar 15-20 ildir vəzifədədirlər, onlara daha söz təsir etmir. Utanmırlar, prezidentin gözünə baxa-baxa yalan danışırlar. Ərəb dövlətlərində temperatur ilin 12 ayı isti olur, amma orada belə hallar olmur. Bu, dövlət başçısına olan xəyənətdir. Mən istərdim ki, onlar həbs edilsin, bütün sahələr yoxlansın. Məsələn, metroda baş verən hadisə ilə bağlı Metropoliten rəisi də cəzalandırılmalıdır, həbs edilməlidir, “Azərenerji”nin sədri tutulmalıdır. Son hadisələr çox ciddi məsələlərdir. Şəxsən mənim əlimdə səlahiyyət olsa, onların biri də vəzifədə qalmazdı, həbs edərdim. Həmin məmurların illərdir xalqdan oğurladıqlarını yenidən xalqa qaytarardım”.

H.Hacıyev deyib ki, hadisə ilə bağlı yaradılan komissiyasının nəyəsə nail olacağına inanmır.

“Düşünürəm ki, baş verən hadisə xalqa qarşı hörmətsizlikdir, dövlətçiyilə böyük zərbə vurdu. Erməni saytlarında Azərbaycan haqqında kifayət qədər yazılar yazıldı. Bu baxımdan mən çox narahatam. Biz dövlətçiliyin qurulması istiqamətində 2003-cü ildə və ondan əvvəlki illərdə çox işlər görmüşük. Bu məmurlar da düzələnləri talan edirlər. Mən düşünürəm ki, məmur təbəqəsində həbslər başlanılmalıdır. Belə olmasa, narazılıq daha da artacaq”.

Həmçinin oxuyun

Ermənilər məşhur Azərbaycanlı jurnalisti öldürmək Istəyir: “Bəlkə də bu, sonuncu müraciətimdir” – VİDEO

Məşhur azərbaycanlı jurnalist Fuad Abbasov həyatının təhlükədə olduğunu açıqlayıb.Orman.az xəbər verir ki, son 2 ildir Türkiyə …